Dr Abdo

“رأي محمد المنسي قنديل أن عزل رئيس منتخب"مخاطرة كبري، و كان على الشعب أن يتحملها وحده، و لكن الجيش أراد أن يختصر علينا الطريق، و أراد أيضًا أن ينهي صراعه المحتدم مع الرئيس الإخواني في ضربة واحدة، و رغم أنه قدم خارطة للمستقبل تتضمن عودة الديمقراطية بصورة أو بأخرى، فإنه حدد طريقًا طويلًا و محفوفًا بالمخاطر، كان عليه أن يضع شباب الثورة في مقدمة الصورة و يتنحى عن مشهد السلطة في أقرب فرصة، أن تكون مهمته الأولى هي أن يدعو لانتخابات عاجلة تأتي برئيس منتخب، و يترك له مهمة تعديل الدستور و المصالحة الوطنية مع بقية القوى حتى يقيم الانتخابات التشريعية و لكن العسكر سلكوا طريقًا عكسيًا مليئًا بالشبهات، جاؤوا برئيس غير منتخب، و حكومة لا تنتمي للثورة، و لجنة من المحترفين، ثم توجوا هذا كله بمذبحة هائلة، ليؤكدوا أمام العالم أنه مجرد انقلاب عسكري، يحاول أن يقصي فريقًا عن السلطة بطريقة دموية"
من مقال لمحمد المنسي قنديل بعنوان "فلنبكِ موتانا"، جريدة "التحرير"، القاهرة،21 أغسطس 2013”
― ياسر ثابت, الصراع على مصر: ذئاب مبارك والعهد الجديد

“إن الأمور لا تتحسن مع الوقت بل نحن الذين نعتاد سُوأَها.”
― عزالدين شكري فشير, باب الخروج: رسالة علي المفعمة ببهجة غير متوقعة

“تفرانيل 50"

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي...
سلام”
― مصطفى إبراهيم

“الأبطال

بمعنى الكلمة

ماتوا لم ينتظروا كلمه

مادار بخلد الواحد منهم

- حين استشهد -

أن الإستشهاد بطوله

أو حتى أن يعطى شيئاً

للجيل القادم من بعده

فهو شهيد لا متفلسف

ماذا يتمنى أن يأخذ

من أعطى آخر ما يملك

فى سورة غضب أو حب”
― نجيب سرور, بروتوكولات حكماء ريش