محمود نوفل

“البالونة - مصطفى ابراهيم

فى حاجات علشان نعرف درجة قوتها

...بنكسرها


وحاجات ف ادينا عشان نعرف اننا عايزينها

....بنخسرها


...كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفي ابراهيم

“ساعات بنضطر نعمل غلطات صغيره نصلّح بيها غلطات اكبر”
― أحمد مراد, تراب الماس

“قالولي زمان و انا صغيّر ما فيش انسان بيتغيّر ..
و ان الوش و الماسكات تمللي عمرها قصيّر ..
و مادام الطبع كالعادة .. تملى بيغلب التطبيع
هتفرق تربيــة زياده .. فى واحد بالجينات هيصيع ؟!”
― مصطفى ابراهيم

“الحداد ليس في ما نرتديه بل في ما نراه . إنّه يكمن في نظرتنا
للأشياء . بإمكان عيون قلبنا أن تكون في حداد... ولا أحد يدري بذلك”
― أحلام مستغانمي, الأسود يليق بك