Dar El Shorouk discussion
This topic is about
مأساة مدام فهمي
أحدث الإصدارات
>
مذكرات مدام فهمي - صلاح عيسى
date
newest »
newest »
أنا كنت خلاص هاجيبه، بس لما لقيته بتسعين جنيه قلت افرحوا بيه. يا رجالة بطلوا افترا
Mod
أكيد اقل، افتكري كدا البرنسيسة والأفندي، هو ضعف عدد الصفحات بالظبط، يعني كان ب 180؟انا مش فاكر السعر بالظبط، بس كنت شاريه ب 120 تقريبا
ممكن الفونت كان يبقى أصغر شوية، الصفحة تتقسم نصين عشان نوفر في عدد الصفحات، و إذا كان التجليد مهم في البرنسيسة والأفندي عشان عدد الصفحات الكبير، فمش شايفله لازمة في مدام فهمي
Mod
وفي النهاية تسعير الكتاب ده من اختصاص المكتبة اللي بتبيعه، لإنها بتشتريه من الناشر بتخفيض كبير جدا، وهي بتضيف عليه هامش الربح اللي عايزاه. وده الناشر ما يقدرش يتحكم فيه. فلو الكتاب غالي، اتكلم مع المكتبة
Mod
بصراحة ماكنتش اعرف ان اسعار الورق زادت. بس انا فاهم ان الناشر بيحدد السعر للمكتبة، انا شايفه في الشروق بالسعر دا، ولا أظن ان حد يقدر يبيعه بأقل من كدا
ماهو يا ربيع الشئ اللي بيبقى مش واضح، هو ان مكتبة دار الشروق شكيان منفصل عن دار الشروق كدار نشر.. الشئ المشترك مابينهم هو الاسم فقط..ومافيش أي ايد بتتدخل في تحديد سعر الكتاب في المكتبة غير الإدارة المسئولة عن المكتبة.. زي أي مكتبة تانية في البلد باي اسم مختلف :)
لا النقطة دي مش معدية معايا، حسب ما أنا فاهم، ان دار النشر بتفرض على المكتبة العارضة سعر ثابت للكتاب دا مش بيحصل في دار الشروق؟لو مش بيحصل، ايه تفسير ان سعر كتب الشروق بتكون ثابتة، في مكتبات الشروق والكتب خان وديوان و ألف؟
يا رحاب ما هو ممكن يستخدمو ورق 60 أو 70 جرام مثلاً بدل 80 ، ممكن يستخدمو ورق مُعاد تدويره و ده ممكن يكون بنفس جوده الورق البِكر ولا حتى ورق جرانين زي الكتب الأجنبيه و ينزل فى اكتر من جزء يتم بيعهم جميعاً كمجموعه واحده ... فى حلول كتير لو المشكله فى الورقبس أنا رأيي الشخصي المشكله مش فى الورق يعني فى روايات مبتعدين 400 صفحة (200 ورقه حجم صغير) و سعرها بيوصل 45 50 جنيه ... الفكره ان دار النشر بالتنسيق مع الكاتب هما اللى بيفرضوا سعر معين على المكتبات
معلش يا جماعة هو بس انت بتقارنوا حاجة طباعة قديمة مثلا سنة 2008 او قبل كده بحاجة طباعة 2011 مش وجه للمقارنة لانه شوفوا الورق وقتها بكام و دلوقتي بكام يعني ده يحسب لدار الشروق انها مش بتزود الطبعات القديمة في السعر او تعملها اعادة تقييم زي ناس تانية بتستني لما الطبعة تخلص و تطبع بالتكلفة الجديدة و تعمل السعر الجديد طبقا للتكلفة الجديدة و ده تجاريا يخسرها لانه بيقلل من قيمة المخزون و رأس المال المتحرك
و حكاية انهم يستخدموا اوزان منخفضة من الورق مش يناسب اسم دار الشروق و تاريخها و بعدين اسعار دور نشر حديثة نفس احجام و عدد الورق قريب و بيبقي ضعف او ضعفين السعر للمثل في دار الشروق انت بتقارنوا دار الشروق بمكتبة الاسرة و هيئة قصور الثقافة و الهيئات المماثلة و دول بيدعموا الكتاب
اعتقد ان التسعير بيكون حسب التكلفة و ده باين من اختلاف الاسعار بين الطبعات القديمة و الطبعات الجديدة
يدخل سعر الورق
تكلفة الطباعة\
تكلفة التجليد و التغليف
بالاضافة لتكييس او الشرنك
ده غير حقوق الملكية الفكرية و اللي دار الشروق و معاها اتنين تانين في السوق المصري كله مش بياخدوا من المؤلفين حق الطباعة بالعكس بيدو المؤلف فلوس نسبة من المبيعات
دور النشر التانية بتاخد من المؤلف حق الطباعة و بالتالي بيقي التكلفة مش داخل فيها الطباعة
و غالبا مش بيدوهم حقوقهم من المبيعات يدوا للمؤلف بتاع عشرين كتاب او خمسين و ده حقك عندنا دار الشروق بتدي نسبة للمؤلف من المبيعات و غير كمان حقوقهم من النسخ
دار الشروق
دار الشروق بتحدد سعر الكتاب بس متقدرش تلزم المكتبة انها تبسيعه باي سعر بص مثلا عمر بوك هتلاقيه بيحرق من خمسة الي عشرة جنيه في الكتاب و بص في مكتبة تانية او اي فرشة في وسط البلد هتلاقي عزازيل بخمسين جنيه مع ان سعرها في مكتبة الشروق بتلاتين او خمس و تلاتين مش فاكر تقدر دار الشروق تقول لعم انت بتحرق ليه مدام بيدفعلها فلوسها او تقدر تقول لبتاع الفرشة علي ناصية الامريكتين ان بتبيع عزازيل اغلي من سعرههيه ليها انها بتوزع في كل حته و بتحدد سعر مناسب و بتدي نسبة خصم للمكتبات كفائض ربح ليها
و امكتبات بتعمل اللي هيه عاوزاه في التسعير تقلل تزود
مكتبات الشروق و ديوان و الف و الكتب خان بيلتزموا بالسعر المحدد و لكن هتلاقي اوقات بيعملوا تخفيضات زي مهرجان مصر تقرأ اللي كانوا مقدمين خصم 10%
عن السعر
محمد wrote: "لا النقطة دي مش معدية معايا، حسب ما أنا فاهم، ان دار النشر بتفرض على المكتبة العارضة سعر ثابت للكتاب دا مش بيحصل في دار الشروق؟لو مش بيحصل، ايه تفسير ان سعر كتب الشروق بتكون ثابتة، في مكتبات الشرو..."
على فكرة دا حقيقي يا ربيع.. فعلا الدار مالهاش اي تحكم في سعر الكتاب في المكتبات.. بيكون في سعر المقترح من الدار، بحسب الخصم اللي بتحصل عليه المكتبة.. لكنها في الآخر الكتبة اللي بتسعر مش الدار..
بالإضافة لكل اللي قاله أحمد في رده التفصيلي.. من ان الدار بتتحمل التكلفة كاملة للطباعة والتجميع والمراجعة.. الخ.. وفوق كل دا بتشتري حقوق المؤلف وكمان المؤلف بيحصل على هامش من الربح.. ودا شئ غالبا مش موجود غير في دار أو اتنين تانيين على الأكثر في مصر..
Mod
فرشات تانية
أقول لك يا ربيع ليه السعر في الآخر بيبقى هو هو في كل المكتبات، لإن كل المكتبات بتشتري من الدار بنفس نسبة التخفيض، ف اللي بتعمله المكتبة إنها بترجع الكتاب للسعر قبل التخفيض اللي هم واخدينه، والمكتبة لما كتاب ما يبيعش، ساعات تنزل في سعره، لإن المكتبة برضه عايزة تبيع يعني مش عايزة تخسر
فلما تلاقي كتاب غالي.. عبر عن وجهة نظرك للمكتبة اللي بتشتري منها
ومش بس سعر الورق بيزيد.. الورق ده مستورد يعني الدولار هو اللي بيزيد كمان
وأنا ما أقدرش أطبع على 60 لإن الكتابة هتبان من الناحية التانية للصفحة :) والمطابع اللي أنا باتعامل معاها ما ترضاش تطبع على ورق خيفي كده (حاولنا قبل كده) لإنه بيعمل مشاكل في ماكينة الطباعة.. ولازم لو هنطبع على ورق خفيف تطبع كمية زي مثلا 10 آلاف أو 20 ألف.. حاجة زي الألغاز مثلا والحاجات الخفيفة دي.. وطبعا مفيش كتاب أقدر أطبع منه 20 ألف نسخة مرة واحد لإني مش هالاقي مكان أخزن فيه الكتب دي أصلا :))
يا جماعة مش عزازيل بخمسين في الشروق برضه انا مش فاهمة النقطة دي هي بخميسين في كل حته بما فيهم الشروق وهي عمر بوك ستور بتغلي الكتب ولا ايه ؟؟؟
طب الواحد يشتري منين لما يلاقي الكتب غالية قوي كده ؟؟؟ :((
عزازيل غلاف تسعيرها في دار الشروق 35 جنيه و هتلاقيها في المكتبات المحترمة بالسعر ده بس دار الشروق لاقت ان البعض بيبعها ب50 جنيه و ان العميل متقبل ده عملت طبعة مميزة هارد كفر بسعر 50 جنيه يعني حاجة تستاهل لكن عزازيل غلاف ب 35 جنيه و هيه دي الاساس
شكرا يا أحمد على توضيحكطب اروح انهي مكتبات علشان أشتري كتب كويسة بسعر مناسب
وانا مش بحب أقرأ pdf
علي حسب نوعية الكتب مثلا التراث و الاسلاميات درب الاتراك و الأزهر و علي حسب سكنك أقرب مكتبه ليه أيه ، أنا بجمع العناوين و بشتريها من معرض الكتاب
انا فعلا كنت عايز اشترى الكتاب عشان المؤلف من ناحية وعشان القضية اللى ناقشها الكتاب واللى استوحى منها فيلم (اولاد الذوات) اول فيلم مصرى ناطق سنة 1932 لكن للأسف لما رحت مكتبة الشروق وسألت عنه فوجئت ان تمنه 90 جنيه ومااعتقدش ان سعره هيكون كدة مناسب لناس كتير و على الكلام اللى سمعته فى المناقشات لو لقيت منه نسخة مزورة على الرصيف هشتريها فياريت دار الشروق او مكتبة الشروق يشوفوا حل للموضوع ده
في منتصف ليلة 10 يوليو 1923، أطلقت الأميرة «مارجريت فهمي» النار على زوجها الأمير المصري «علي بك فهمي» فأردته قتيلًا، وكان هذا الحادث هو ذروة قصة حب فاجعة، جمعت بين غانية فرنسية ومليونير مصري شاب يصغرها بعشر سنوات.
ولم يجد دفاع القاتلة الذي تولاه «سير مارشال هول» ، ألمع المحامين في عصره، وسيلة لإنقاذها من المقصلة إلّا بوضع الحضارة العربية الإسلامية في قفص الاتهام، باعتبارها حضارة بدائية ومتخلفة يعاني المنتمون إليها من عقدة نقص دفعت «علي فهمي» للشعور بالدونية تجاه زوجته التي تنتمي للحضارة الأوروبية المتقدمة والمتفوقة، فعاملها كما لو كانت جارية، واضطرها، دفاعًا عن نفسها، لإطلاق الرصاص عليه.
وجاء الحكم صادمًا، فاندفع المثقفون المصريون إلى حلبة الصراع بين الحضارة الغربية والحضارة الشرقية. وكانت هذه المأساة موضوعًا لمسرحيات وأفلام سينمائية وروايات مصرية وعالمية.
صلاح عيسى، كاتب وصحفي وباحث في التاريخ السياسي والاجتماعي. ولد بمصر عام 1939، ويعمل بالصحافة منذ عام 1971. نشرت مقالاته وأبحاثه في معظم الصحف المصرية والعربية، وأصدر 20 كتابًا منها: «الثورة العرابية» و«البرجوازية المصرية» و«أسلوب المفاوضة» و«البرنسيسة والأفندي» و«رجال ريا وسكينة» و«دستور في صندوق القمامة».