يوتوبيا question

اعتقد انها دليل علي فكرةصيدالفقراء في القصة لان اللي بيصطاد حد منهم بيقطع ايده كتذكار ياخده معاه

أنا عندى رأى تاني..
اللى يتفحص مقالات دكتور أحمد هيلاقى أنه دايما كان كان تشاؤم من المستقبل المظلم لمصر...
وإنه لا محالة هيؤول لهذا المصير...
والصورة تعكس ده إنه واحد حاطيت أيد على أيد وإنه لا محالة واقعة تلك النكبة....

الهيمنة

رأيي غريب شويه و هو أن اليد العليا هي للأغيار أما السفلا فهي لليوتوبين حيث انهم مرعوبون من الأغيار خوفا من ثوره أو أخذا لما معهم الذي يعتقدون أنهم لا يستحقوه أما الأغيار فهم مأخوذ حقهم و لا يعيشون عيشة البني أدمييين و لكنهم لا يرهبون اليوتيوبيين الا خوفا من أخذ منهم تذكارا فيمكن ان يكون هذا الغلاف معبرا عما سيحدث في النهايه " أو ما بعد النهايه في رأيي" و هو ما كان يخشاه اليوتوبيون طول الروايه.

بتفكير ساذج مني يعني مش هوا كان قطع ايدو قبل مايرجع يوتوبيا تقريبا دا رمز للايد وكدة أو فكرة انهم بياخدو تذكر يعني عامة

تحمل فى طياتها معان كثيره عن التى تدور داخل الروايه ابرزها
وهو حصول سكان يوتوبيا على التذكار من العامه
بقطع يد الضحيه وهو مشهد متكرر فى الروايه

الغلاف أوحى لي بنوع من القهر و الكراهية و العنصرية و الظلم . .

اعتقد انها تمثل يد الكاتب احمد خالد توفيق بعد ان انتهت من كتابة مشهد النهاية منتظرة مننا ان نكمل خطوات تفاصيله وتنفيذه بنجاح او حتي اكتساب شرف المحاولة
فى وقت يأست فيه كل الاقلام وتكتمت الافواه حتي اننا نجد كتاب ل علاء الاسواني اسمه لماذا لا يثور المصريين

البطش و الهيمنة و الألوهية

اعتقد ان صورة الغلاف كانت صورة للمشهد اللى صفية كانت بتقارن ايديها بايد البطل ( الفقر والغنى)

بعد كومنتاتكم دى رأيى طلع غريب ومختلف تماما
انا شايفة ان دى بتمثل التنفس الصناعى كأن الرواية صرخة لمجتمع يلفظ أنفاسه الأخيرة ويحتاج لانعاش!

الحقيقه لما شوفت الغلاف وشوفت الايدين بهذا الشكل شعرت انهم بيمثلواالفضيله... وعرفت ان هذة الروايه بتتكلم عن كل ما هو عكس الفضيله ..اما ليه استشعرت انها عن الفضيله ..لما الواحد بيكون مهذب وبيسمع حد بيقعد بنفس الوضيعه دى وكمان تحسوا انها ايد الكاتب نفسها ....ولو هما ايدين مختلفين يبقى اكيد انا بفتى محدش يصدقنى :D

شخص يمنع شخص اخر من الحركة من الثورة

Upper Hand (Rich People) are dominating lower hand (poor people)

طبقتين في المجتمع تعلو يد احداهما الاخرى

يد فوق يد ,, رغم انا كلتا اليدين لنفس الإنسان إلا أن احداهما فوق الأخرى .. ده بالظبط اللى بيحصل بين الناس و بعضها

سيطررررررررررررة -_-

أعقتد انه يصور فكرة " الإستلاء " و"إستحواذ"

كل ما بأشوف الصورة دي ، بأفكر إنها بترمز أكتر لــ فكرة " القمع" !

هو مش معنى عميق هو وصف المشهد لما البنت تقارن بين ايديها وايد البطل

الرغبه في السيطره و الاستيلاء

انا فكرت بردوا فى الصورة كتير
وفى ر؟أيى تصوير للكاتب فى قبض اليد الغبيه على الفقيرة

شعرت فى تلك الصورة بالهيمنة .. كمن يمنع الشمس و الهواء عن ما انحدر ادناه .. هيمنة يوتوبيا و ملوكها على الاغيار بالرغم من انعزالهم عنهم انعزالا كليا .. لكنهم كما قال احمد خالد توفيق .. سرقوا منهم الماضى و الحاضر و المستقبل .. بل و الحلم ايضا

مشهد من الرواية.. الطبقة الغنية تثبت الطبقة الفقيرة في الارض شكل رمزي لاغتصاب كل حقوقهم وحياتهم واحلامهم

الايدى الناعمه ...والايدى الخشنه

الإنسان يعمل بيديه، وضعهما بهذه الطريقة يدل على الاستسلام و اليأس نوعاً ما. على الأقل هذا ما أستشعره حين أنظر إلى الغلاف.

اعتقد ان صورة يد بهذه البشاعه توحى بالرعب رغم ان الرواية مش رعب لان الحال اللى كان ممكن توصله مصر حيبقى ابشع من اى قصة رعب بالاضافة الىميل دكتور احمد خالد توفيق الى ادب الرعب فالصورة مزيج بين شخصية الكاتب وموضوع الكتاب

يد تضغط علي يد ,ء
الشعب اصبح طبقتين,
طبقه عليا وطبقه دنيا,
طبقه مطحونه وطبقه طاحنه
كل يد تمثل طبقه اجتماعيه,
والمعني في بطن مصمم الغلاف

المفترس بيضغط ع ايد الفريسة

من رأيى هوا ركز على اليدين فى الصوره لان من حركه اليد ينشأ التغير والحضاره وفى الصوره اليد اللى بتحاول تغير هيا اليد اللى تحت واللى فوقها يد السلطه المستفيده والللل .... تطبق عليها حتى يظل الحال كما هو عليه

انا عندى رأى مختلف خالص وهو ما زكره الكاتب فى الرواية دائما فى وصف الفرق بين اليد النظيفة الناعمه واليد متسخة المشققه والفرق بين الطبقيتن