الرصيف رقم (3\4) فقط لغير العامة discussion
أساس تقييمك للكتاب
date
newest »
newest »
سؤال آخر : هل قرائتك لآراء وتقييم الآخرين للكتاب يؤثر في تقييمك أنت للكتاب؟
الاستمتاع هو رقم واحد عندييعني الكتاب اللي بابقى مش قادر أسيبه (بمعنى الكلمة).. وأبقى عايز أنام ومش عارف من كتر ما أنا مشدود للأحداث
فأكيد ده ياخد الخمس نجوم
والعكس
موضوع الاقتناع أو عدم الاقتناع، غالبا بيدخل تحت موضوع الإعجاب والاستمتاع بالقراءة برضه
لأني لو باقرأ لواحد بيكتب أفكار أنا شايفها غلط، وفي نفس الوقت بيستدل عليها بأدلة غير منطقية -على الأقل بالنسبة لي- فده أكيد بيخليني مش مبسوط وأنا باقرأ
الحاجة التانية بقى مدى أهمية الكتاب، يعني ممكن كتاب مفيد جدا، وبيخليني أفكر في شوية حاجات كده أو أعيد التفكير فيها.. فده ممكن ياخد الخمس نجوم، حتى لو ما سببش حالة الانبهار أو القراءة المتواصلة دي
بما إن القراية بالنسبة لي هي "هواية لتقضية الوقت" في المقام الأول ، فأهم حاجة عندي الاستمتاع .. إن الكتاب يبقى شيّق و جذاب ..ثانيا .. محبش الكتاب المتعالي على القارئ ، أو الكتب اللي بكرافته ، الكتاب لازم يكون مفهوم بشكل عام و واضح سواء اختلفت أو اتفقت مع الأفكار المطروحة فيه ..
على رأي آينشتين
If you can't explain it to a 6 years old child, you don't understand it yourself :D :D
تقييم الجودريدز ساعات كتير بيحيرني فعلاً ، و فيه كتب بيبقى نفسي مديهاش ولا نجمة واحدة ، عشان كده نفسي يعملوا نظام تاني .... يعملوا 8 نجوم ، 3 صُفر و 5 حُمر ... الصُفر للكتاب السيئ (تقييم سلبي) و يبقى درجات ، و من أول نجمة حمرا يبدأ التقييم الإيجابي ..
آراء الناس هنا أو صحابي بتأثر عليّا جدا .. سلبا أو ايجابا ، ودي مشكلة لأني مش بقدر أعزل نفسي عن التعليقات دي و أنا بقرا ..
على فكرة أنا ملاحظ إن ناس كتير بتستخسر تدي كتب معينة نجمة واحدةمع إن النجمة الواحدة مش معناها إني اديته واحد من خمسة وهو ما يستحقش الواحد ده
النجمة دي معناها إنه وحش.. ودي لوحدها كفاية
:)
أنا ممكن أحتار بين الاتنين والتلاتة، أو بين التلاتة والأربعة
لكن عمري ما اتحيرت بين الواحد والاتنين
أيوه يا إسلام همّا عاملين في الموقع ده إن نجمة واحدة معناها وحش ، بس ده "نفسيا" مش عاجبني:D :D
النجوم دي للشطار بس - من أيام المدرسة -و في كتب خسارة فيها حتى النجمة دي بمعناها النفسي
:D
بسم الله الرحمن الرحيم بصوا أنا أول ما بفتح الكتاب عشان اقراه بيبقى واخد 5 نجوم تفضل النجوم تقل أو تثبت مع الحاجات اللى بتعكر صفو قرايتي زى الإسلوب و اللغة و التطويل ولما بخلص الكتاب بقعد مع نفسي دقايق عشان اديله تقييم عام الأفكار مبتقللش من تقييمي للكتاب حتى لو هيا |أنا مش موافق معاها بشرط يكون الكاتب حاكم أفكاره كويس تقييم الناس مبتأثرش على تقييمي لأن التقييم ده عملية نسبية جدا نظام التقييم في جود ريدز حلو جدا بس ينقصه ان التقييم يبقى بأنصاف النجوم يعني أقدر ادي 3 و نص و هكذا
زي ما انت قلت بالظبط"بشرط يكون الكاتب حاكم أفكاره كويس"
يعني ممكن واحد يقول رأي غير رأيك بس تحس إن عنده منطق كويس في اقتناعه بالرأي ده
ده أكيد الواحد بيحترمه
لكن في واحد تاني بيبقى بيكتب ويستخدم أدلة غير مقنعة، أو تحس إن في حاجات كتير ناقصة في الكلام
ده طبعا له وضع تاني
معاير إسلام لتقييم الكتاب موضوعية جداً وأنا شخصياً أقيم الكتب على اساسها ...وبالنسبة لتقديرات الاخرين فهى بالطبع تعطى إنطباع مبدأى عن الكتاب قبل قراءته ، وايضاً توضح تقديراتهم تلك عن كيفة قراءتهم.
Mod
اما فكرة التقييم بالسلب فانا شايفة انه اقتراح هايل لانه حتى لو اننا عارفين ان نجمة معناها ان الكتاب وحش لكن مبتشفيش غليل الواحد
واكيد طبعا تعليق الناس ع الكتب مؤثر خاصة ف شرائها يعنى مثلا لو عايزة اشترى كتاب وخاصة لو كان الكتاب غالى وفى تعليقات كتير بتقول انه وحش اكيد مش هغامر
@Nashwaشكرا لدعمك ، ولازم نوصل صوتنا للمسئولين
:D
صبآحكم تفآؤل,لو سمحتوآ بسأل سؤآل خآرج عن الموضوع وأرجو إجآبتي,
كيف أضيف رقم الصفحة اللي وصلتهآ للكتآب اللي أقرأه حآليآ,؟
^^ آنتظر ردكم يآأعزآء, وشكرآ مقدمآ
Mod
الكتب التى تقرأينها حاليا وفى تحديث فى التحديث ده اكتبى رقم الصفحة اللى انت وصلتلها
المعيار الاساسي ,ماذا اضاف الكتاب لي من افكار؟\حتي وان كان كتاب لنيتشه الملحد او ابن العربي الصوفي,
ثم ياتي طريقه توصيل هذه الفكره وهنا تكمن ادبيه الكاتب ففي كتاب عصر العلم لاحمد زويل الافكار رائعه ولكن طريقه توصيلها تجعلك تشعر باعراض قراءه كتاب كيمياء تانيه ثانوي,وهي قرحه في المعده والمغص الكلوي,
المعيار الاخير خصوصا في الروايات هي المقدمه او "الدخله"لاي روايه هو ما يجعلني اكملها حتي نهايتها والخاتمه او "القفله"هي ما تجعل الكاتب او الروائي متميز او مجرد شخص لديه خبره حياتيه وبقليل من الحظ استطاع تأليف روايه,
مثلا روايه ربع جرام لعصام يوسف , مجرد يوميات مدمن ,هل اذالم تحدث تلك الاحداث معه لكتب روايه؟ ابدا! ,مجرد خبره حياتيه مكتوبه بصوره سيناريو اكثر منها بعمل ادبي اخذ الكثير من الضجه الاعلاميه التي لا يستحقها ,علي العكس روايه تغريده البجعه لمكاوي سعيد وواحه الغروب لبهاء طاهر
النهايه المبتكره والصادمه لموت بطل كل منهما-بغض النظر عن روعه الاحداث وسمواللغه وجماليه الصور الخياليه- هو ما جعلهما
بكل المقايس من الكتب الخالده.
بالنسبه للموقع فهو مرجع ممتاز للكتب المرشحه للقراءه بجانب جريده اخبار الادب ,
والنجمه الوحيده تعني اقل من مقبول والخمس نجوم تعني امتياز مع مرتبه الشرف وهذا تقدير عادل وان كنت افضل طريقه اخري غير النجوم للكتاب السئ مثلاً علامه
unlike
ودمتم.,,,
أقييم الكتاب على حسب ما أرى فائدة الكتاب و توافق الكتاب لمبادئي و أسلوب الكتابة السلس الممتع الذي يجعل منك شخص لا يستطيع تركه حتى تنتهي منه و يصل بك للفكرة النهائية دون أن تذكر بل ينوه لها :$مجرد رأي
هدى الشمري
@ Amiraالكتب بكرافتة.. التعبير رائع على فكرة:).. و يصف الكثير من
الكتب التي
أستخسر فيها النجمة مثلك تماما:)
معايير إسلام تنطبق علي جدا...
تقييم ال
good reads
يحتاج إعادة نظر
@Abeerللأمانة بس .. التعبير مش بتاعي ، أنا حدّ قالهولي هنا قبل كده على الموقع
:)
لأكون واضحاً .. فإن هدفي الأول من القراءة هو الإستمتاع و يأتي بعد ذلك الإستفادة و الإطلاع .فلتقييم ما أقرأه يأتي أسلوب الكاتب أولاً ، ثم حبكته الدرامية و الدقة الروائية إذا كانت قصة أو رواية ، ثم يأتي مدى تشبع و إلمام الكتاب بموضوعه .
لا أحب الكتاب الذي يظهر فيه الكاتب حاجزاً بينك و بين الكتاب ، أحب الكتاب الذي يشدك إليه تغوص فيه و في سطوره ناسياً ان هذا كلام فلان ، لأن الكاتب مستتر لا يظهر في آراءه و تعليقاته .
و بالطبع أحتار في وضع تفييم جودريدز ، و لكن أظن أن هذه الحيرة من الكتاب و ليست من جودريدز
بأدى الخمس نجوم للكتاب اللى أحس ان الكاتب تعب فيه ، رواية زى واحة الغروب مثلاً واضح أوى ان أستاذ بهاء تعب فى جمع معلومات وصياغة شخصيات .. وبأحترم الكتاب اللى من النوع ده لانه بيحترم عقلية القارئ نمرة واحد عندى الاستمتاع ونمرة اتنين الأفكار
- بأتأثر أحياناً بتقييمات الآخرين ومش بأبدأ فى قراءة عمل غير لو تقييماته عالية
ويا ريت تقييم الجودريدز كان ينفع فيه أنصاف النجوم
:)
أعرفها تلك الأشياء التي تروق لي منذ اللحظة الأولى .. والكتب ليست استثناءا بالطبع ! .. تقييمي للكتاب يعتمد على اشياء كثيرة .. اهمها مدى استمتاعي بالكتاب وعدم مللي منه - هناك كتب بتشعرني ان الكاتب يتكلم بلساني "طبعا هذة الكتب في قائمة المفضلة" - مدى استفادتي من الكتاب وهل خرجت منه بجديد موضوع توافقي او اختلافي في الرأي لا يؤثر على تقييمي للكتاب .. بالطبع احب الكتب التي تتبني وجهات نظر مشابهة لوجهة نظري .. لكن استمتاعي بالقراءة لا يتأثر إذا اختلفت وجهة النظر المطروحة مع وجهة نظري , الغرض الاساسي هو الاطلاع على وجهات نظر مختلفة .. بإمكاني تقبل وجهة نظر الكاتب واعطاء تقييم مرتفع للكتاب بناءا على طريقة العرض - اللغة - الأسلوب ..
نظام تقييم الجود ريدز .. امممممممممم ببساطة لا يعجبني
تقييم الاخرين مش بيأثر على تقييمي لاني غالبا مش بشوفو الا بعد الانتهاء من القراءة
بالطبع تقييم الكتاب يعتمد بالدرجه الاولى على مدى قدرته على امتاع القارئ لذلك فالتقييم يختلف من شخص لاخر وايضا اسم الكاتب قد يكون محفزا قويا لقراءه الكتاب والاستماع به فبعض الكُتاب المفضليين عن تجربه اسمائهم تعطى ايحاء بان الكتاب سيكون ممتع
محتوى الكتاب هو الامر الاساسى فى التقييم على الرغم من ان بعض الروايات قد اعجبتنى بشده مع ان محتواها لم يكن هادف بالمره مثل روايه شيكاجو , لكنها قد تكون مجرد استثناء , ليظل المحتوى هو الاساس
ولا انكر انى اتاثر جدا للاسف باراء الاخرين وايضا اتاثر بتقييم الجود ريدز على الرغم من انى قد اختلف معه
ولكن من الناحيه الايجابيه ,, فاحيانا يدفعنى الى اتمام كتاب كنت قد مللت منه
كنت عايزة أعرف على أي أساس بتقيموا الكتاب
هل على أساس إعجابكم واستمتاعكم به؟
أم على أساس توافق أفكاركم مع الكاتب أو أقتناعكم بما قاله؟
هل يمكن أن يقل تقييمك للكتاب الذي أستمتعت به لعدم أقتناعك ببعض الأفكار به أو رفضك لها؟
وفي النهاية أيه رأيكم في نظام تقييم الجودريدز للكتاب (لم أحبه -لا بأس به - أحببته -أحببته جدا -رائع)
هل تعتقد هذه التقييمات مناسبة أم أنك أحيانا تحتار عندما تحاول تقييم الكتاب؟