كتب للإعارة - قائمتى

[Yasser]

[Rima]

ممكن واحة الغروب ؟

[Yasser]

ممكن طبعاً، كتاب رائع
ممكن اوصلهولك ازاى؟؟

[أميــــرة]

هي كتب باولو كويلهو اللي عندك مترجمة ؟

[[deleted user]]

السلام عليكم ياسر :
ممكن الحب فى المنفى و The Witch of Portobello أو The Alchemist
وايه الكتب اللى عايزها فى المقابل أو مدة الإعارة هتكون أد ايه .. وبالنسبة للمكان مكان التجمع المعتاد أمام مكتبة الديوان عند مكتبة الإسكندرية .. وحضرتك حدد الميعاد

[Yasser]

@Amira:كتب باولو كويلو عندى انجليزى
@Mahmoud: شكراً للمعلومة
الكتب تحت أمرك و انا مؤقتاً مش محتاج كتب و مدة الإعارة مفتوحة يعنى لما تخلص قراءة الكتب
أرجو بس الحفاظ على الكتب لأنها بحالة الجديدة
و ممكن اقابلك غداً ان شاء الله حوالى الساعة 4

[[deleted user]]

جيد جدا .. الساعة الرابعة عند المكتبة الإسكندرية أمام مكتبة الديوان ..
وده رقم الموبيل
0145885182
لو احتاج الأمر

[أميــــرة]

أنا ممكن أطلب 3 حاجات ؟ طمع بقى :)

Brida
Eleven minutes
فيرتيجو

بس لو هيبقى كتير مش مشكلة .. قولي عادي
:D

[Yasser]

لأ يا أميرة مش طمع ولا حاجة، تحت أمرك بس بشرط الحفاظ على حالة الكتب
انا هاكون موجود بكرة فى المكتبة حوالى الساعة 4 ان شاء الله لو المعاد يناسبك ردى على علشان اجيبلك الكتب معايا

[أميــــرة]

لأ من الناحية دي متقلقش .. كأنهم كتبي بالظبط اللي بخاف عليهم جد برده :)

هو للأسف الميعاد متأخر .. هل انت عامة متقدرش تدي ميعاد قبل كده ؟

[Yasser]

ممكن يا أميرة طبعاً قولي امتى يناسبك

[Rima]

شكرا جدا يا ياسر :))
انا كمان ححاول ابقى الساعة 4 عند المكتبة و حبقى اتصل لو رحت و مالقيتكش
ياريت لو شفت الرسالة بس تأكد عليا عشان ابقى عارفة ان الرواية معاك :)

[Yasser]

على ايه يا ريما
ان شاء الله موجود الساعة 4 و معايا واحة الغروب :)

[أميــــرة]

لأ خلاص هاجي الساعة 4 إن شاء الله
شكرا مقدما يا أ.ياسر :)

[Yasser]

على ايه بس
خلاص الساعة 4 ان شاء الله

[أميــــرة]

أ. ياسر معلش لو مش هتقّل عليك يعني .. ممكن حضرتك تقابلني 3:30 أو 3:45 عشان داخلة أحضر ندوة د. نبيل فاروق في المكتبة الساعة 4 .. و حضرتك عارف بقى الندوات و الزحمة و الكلام ده
:D

بس لو مش هينفع بالنسبة لك مفيش مشكلة ..
و أنا بلتزم بمواعيدي جدااااااااااااا فلا تقلق :)

[Yasser]

ممكن طبعاً
حاحاول اكون موجود قبل 3:30 ان شاء الله
و انا كمان باحاول التزم بمواعيدى بس البلد بقت زحمة جداً:)

[أميــــرة]

عندك حق :)

شكرا جزيلا :)

[أميــــرة]

بس معني كده إن حضرتك جايلنا مخصوص
:D
ده أنا قلت حضرتك بتشتغل في حتة قريبة من المكتبة أو كده ..

[Yasser]

يا ستى و ماله لو جايلكو مخصوص
مسيرى برضه اطلب منكو كتب و تجولى مخصوص :D

[أميــــرة]

:D :D
أكيد إحنا في الخدمة
أنا أصلا بفكر أقلدك :))

[Yasser]

بصراحة انا من زمان نفسى اعمل موضوع المبادلة او الاعارة ده و فرحت لما لقيت الجروب ده و واضح ان كل الأعضاء ناس محترمة جداً :)

[أميــــرة]

موضوع المبادلة ده فعلا قمة الرقيّ .. ناس بتتجمع عشان هدف محترم .. و أهو كمان نساعد بعض ... الكتب بقت غالية أووووووي
:D :D

[Yasser]

:D :D :D
عندك حق، بس نعمل ايه بقى؟؟ ما كل حاجة بقت غالية
عموماً ان شاء الله اى كتاب حاخلصه حازوده فى القائمة و اللى محتاجه انا تحت امره فى اى وقت
و طبعاً موافقك ان الموضوع ده قمة الرقى

[Ruby]

مساء الخير
انا لسة جديدة علي جود ريدز وعجبني الجروب بشدة جدا
بس بما اني لسة جديدة ممكن حد يوضحلي شوية التبادل قشطة يعني مع اي حد ولا انتو عارفين بعض و ازاي مجرد تفاصيل

[Yasser]

أهلاً روبى
موضوع التبادل بيتم بالاتفاق بين الطرفين على تحديد معاد و مكان (و غالباً المكان بيكون أمام مكتبة ديوان بمكتبة اسكندرية) و بالنسبة لى أنا ماعنديش مانع ابادل مع حد ماعرفوش لأنى اتعرفت ب 3 أشخاص زى الفل و ماكنتش أعرفهم قبل كده

[أميــــرة]

شكرا يا أ. ياسر على الثقة و المديح
:D

[Yasser]

ثقة أيوه، بس مش مديح، دى حقيقة

[أميــــرة]

:)
شكرا جزيلا

[Ruby]

طيب هل ممكن اخد حارة النصارى وفالمقابل لو محتاج اي كتب لو عندي هجيبهالك طبعا

[Yasser]

ممكن طبعاً

[Ruby]

شكرا جدا ولو مش هكون سخيفة ممكن قالت ضحي
وشوف محتاج كتب ايه ولو عندي هجيبهم
وشوف اي مكان وميعاد مناسب ليك

[Yasser]

لا يا روبى تحت امرك بس قالت ضحى فيه ناس طلبوها معلش
هاجيبهالك فى اقرب وقت ان شاء الله
ممكن بكره ان شاء الله عند مكتبة ديوان الساعة 4 لو يناسبك اجيبلك حارة النصارى

[Ruby]

مناسب جداااا
ممكن رقم الموبايل بعد اذنك

[Yasser]

اكيد طبعاً
0127381802

[Ruby]

تمام جدا نتقابل بكرة انشاءالله