الكتب المرصوصة على الرف

[نشوى]

اعتقد ان كلا منا لديه كتب مرصوصة على الارفف تنتظر من يقرئها وبصراحة مع تزايد الكتب المرصوصة على الرف عندى حبيت اناقش الموضوع معاكم
ليه دايما بنحب نشترى الكتب حتى لو مش هنقراها دلوقتى ؟
متى تتكرم على الكتاب وتشده من على الرف لقرائته ؟
هل لديك نظام محدد لقراءة الكتب المرصوصة على الرفوف ؟
ما هو اقدم كتاب على الرف لم تمسه حتى الان ؟
هل عمرك اشتريت كتاب وانت متاكد انك مش هتقراه لمدة خمس سنين مثلا ؟
ايه الدوافع اللى بتخلينا نشترى كتب اصلا واحنا متاكدين اننا مش هنقراها او مبنحبش اللون ده من القراءة ؟

[Ingy]

1- حبا في الكتاب ذاته أو لان الموضوع مهم لكن دسم ومحتاج تهيئة" "نفسية لقراءته.
2- عندما تتم عملية "التهيئة النفسية"
3- ابدا، لكن مؤخرا بدأت في وضع قوائم بالكتب على الرف وتحديد جدول زمني لها، لاني لو سبتها بمزاجي، لن أقرأها ابدا.
4- اعتقد انه "ما الذي حدث للمصريين" + مجموعة من أعمال جمال حمدن.
5- اممم.. مش لدرجة 5 سنين، لكن بيحصل اني اجيب كتاب وانا عارفة اني مش حاقرأه في القريب العاجل.
6- اكون عايزة اعرف اكتر عن الموضوع، حتى لو كان موضوع سخيف لكن محتاجة اعرف اكتر عنه.

[Mohammed]

1- علشان سمعت عنه و شدنى و عايز أجيبة. أو حسيت انه حلو و قلت هاجربة. الواحد و هو فى اى مكتبة بيحس انه ممكن يقراها كلها :D
2- علي حسب: يا إما تشجيع من حد. يا إما اكون خلصت الكتب اللى عايز أقراها و مافيش غيرة قدامى.
3- لأ.
4- بيت العائلة.
5- لأ.
6- ماجربتش أعمل كده. لما باشترى بابقى عارف انى عايز الكتاب ده و عندى استعداد اقراه.

[Mohamed]

1-بكون مشدود للكتاب سواء لموضوعه او كاتبه
2-مفيش سبب معين غير لنى احس انى عايز اقرأه
3-لا
4-قصة الخلق لعيد وردانى ,سنتين
5-لا
6-محصلتش معايا , انا مابشتريش غير اللى هقرأه

[أميــــرة]

1- الموضوع بقى بالنسبة لي ادماااااان .. زي البنات اللي بتشتري لبس و هي متأكده ان عندها كتير لسه ملبستوش
:D

2- الكتاب هو اللي بيناديني..
أنا بالفعل عندي دلوقتي 5 كتب في الانتظار .. هبدأ بمين بقى دي حاجة الكتاب هو اللي بيحددها مش أنا
:D

3- لأ الكتاب هو اللي بينظم مش أنا :)

4- اللعب فوق جبال النوبة

5- لأ طبعا عشان الفلوس مش بعزقة
:D

6- بما إني معملتش كده لحد دلوقتي .. بس معنديش مانع اعمله .. أحيانا بيبقى لازم نقرا كتاب معين من أجل المعرفة حتى لو الموضوع مش بيستهويني

في مقولة بتقول:
"إذا قرأت ما تحب فقط فإنك لن تتعلم أبدا"
:)

[Ghada]

لضعف مقاومة كتاب شدني
هو ونصيبه
لسة حاطة نظام بس مش مريحني أوي
يووووه كتيييير
لا
العشم

[mohamed]

احسها تحاول النطق , كطفل صغير رأى الدنيا اعواما بلا نطق فاراد ان تكون كلامته الاولى اختزال لما رأى , لا انها ليست جامدة . ليست ورقا و احرف فقط . انما حس و وعى و ادراك