كتاب ملوش اسم

[Hana]

بجد الكتاب اكثر من رائع ودا اول حاجه اقرأها للعسيلى ولفت نظرى اسلوبه جداا وكلامه مقنع بصراحه وخلانى افكر ف حاجه مخدتش بالى منها قبل كدا!!! بجد كل واحد لازم يقرا الكتاب دا هيستفيد منه كتييير

[Nouran]

كتاب ملوش اسم من أسوء ما قرأت.. اسلوب الكاتب حلو مش هقول حاجة وبيحاول إقناع القارئ بأي طريقة.. لكن الحقيقة إن في حاجات كتير بتدل على جهل القارئ.. هو بيعتبرها أسئلة ملهاش إجابةوإنه اصبح انسان متفتح أو فيلسوف زي ما اتمنى وهو صغير بس الحقيقة إن الأسئلة دي ليها إجابات وكون الكاتب ميعرفهاش فـ ده يعتبر جهل منه.. يعني من الأخر لا هو متفتح ولا هو فيلسوف.. هو ببساطة جاهل مغرور حبتين

[Hana]

مش شرط..مش معنى انه كاتب يبقى لازم يكون بيعرف كل الامور حتى ادناها الانسان بطبيعته فضولى وبيحب يعرف كل حاجه ودا مش غلط هو اتخلق انسان عشان يفضل يفكر.عجبنى ف انه لفت نظرى ل حاجات مكنتش شايفاها قبل كدا او انه عملى مبررات منطقيه لافعالنا ك بنى ادمين .ومن حيث تقييمى للكتا فهو توقف على انى افتح الكتاب من الجلده واقفله للجلده واطلع منه بحاجه او مطلعش والكتاب دا استفدت منه فعلا فكان تقييمى له انه كتب رائع..مع احترامى الكامل لوجهة نظرك طبعا :)

[Mohamed]

Nouran wrote: "كتاب ملوش اسم من أسوء ما قرأت.. اسلوب الكاتب حلو مش هقول حاجة وبيحاول إقناع القارئ بأي طريقة.. لكن الحقيقة إن في حاجات كتير بتدل على جهل القارئ.. هو بيعتبرها أسئلة ملهاش إجابةوإنه اصبح انسان متفتح ..."

ممكن توضحي أكتر وجهة نظرك ب أمثله من الكتاب ؟؟؟

[Nouran]

هو انا قريت الكتاب أول ما نزل فـ طبعا مش فاكرة أمثلة كتير.. بس من الحاجات اللي فكراها أوي كان بيتكلم عن الله العدل وكان بيتسائل هل من العدل إن اللي ماسمعوش عن الإسلام يدخلوا النار.. الكلام بشكل مبدئي ينم عن جهله بدينه.. لأنه لو قرا في دينه كويس كان عرف إن الكفار اللي ليهم عذاب جهنم هم من عرفوا أنه الحق من ربهم وكفروا به.. ولكن اللي ماسمعوش عن الإسلام يحاسبوا على اللي عملوه في حياتهم من حسنات وسيئات فقط لا غير.. وطبعا باعتبار إنه بيطرح اسئلة ملهاش إجابات بيضع شك في قلوب ناس كتيرأنا كنت واحدة منهم.. دي أكتر حاجة فكراها من الكتاب وكانت مضايقاني

[أنيس]

انا كمان قريت الكتاب من فترة طويلة،، تقريبا من 3 سنين،، من وجهة نظري الكتاب ككل ممتاز،، الكاتب من اول المقدمة وضح ان الكتاب عبارة عن أسئلة مش أجوبة،، وده حال الفلسفة عموما،، هي دايما بتطرح أسئلة علشان تدفعنا للتفكير،، ومجرد سعينا للوصول لإجابة ده في حد ذاته هدف الفلسفة،، اننا نتفكر ونشغل دماغنا،، وده اللي العسيلي حاول يعمله بشكل مبسط جدا،، اكتر حاجة عجبتني في الكتاب هو أسلوبه اللي يقدر يوصل لناس عاديين جدا مش مثقفين ومش بالضرورة قارئين،، لكن هو بيحطهم علي أول الطريق
الكتاب شكلا وموضوعا ممتاز،، وانا كمان بنصح كل الناس انهم يقروه
----------------------
http://www.so2rat.blogspot.com/2010/0...

دي تدوينة انا كتبتها أول ماقريت الكتاب

[Ahmed shaker]

من افضل الكتب اللي قراتها واستفدت منه بمعلومات كتير جداً
شكرا احمد العسيلي