Egyptians Good Readers discussion

سر المعبد: الأسرار الخفية لجماعة الإخوان المسلمين
This topic is about سر المعبد
note: This topic has been closed to new comments.
888 views
نادي الكتاب - ومناقشات الكتب > مناقشة : سر المعبد

Comments Showing 1-31 of 31 (31 new)    post a comment »
dateDown arrow    newest »

message 1: by Ahmad (last edited Mar 10, 2013 03:19PM) (new) - rated it 4 stars

Ahmad Wagieh (wagieh) | 522 comments Mod


سعيد باننا هنبدأ مناقشتنا .. واللي لسه باقيلوا صفحات في قراية الكتاب يخلصها ويتابع معانا

استحملوني بس هفكر نفسي وافكركم بشوية حاجات قبل الاسئلة ..

دا مقياس لنجاحنا من عدمه في النقاش - الموضوع يحتمل جدل كتير . بس احنا كجود ريدرز بنتناقش مش بنجادل .. كل واحد فينا داخل بمعلومة ومستعد يتخى عنها لو غلط ، او يكملها لو صح ، داخل بمعلومة وعايز يخرج بعشرة

وبما ان محدش اتقدم للاسف لادارة النقاش طول فترة القراءة.. فانا مضطر اديره ..

 قواعد المناقشة :-
==================
- سيب انتمائك السياسي ع الباب - دا نادي قراءة
- انتصارك علي نفسك بتقبل الصحيح ايا كان .. مش بفرض افكارها ع الغير ايا كانت
- الانتقاد للافكار وليس الاشخاص .. سواء الكاتب او احنا
- الاسئلة الموجودة لتحديد خط النقاش وعشان الموضوع ميتوهش ويتقلب جدال ..
- سعداء باضافه اسئلة تحب تضيفها للمناقشة ...
- سعداء اكتر باضافه اي معلومات او وثائق او دليل ينقداو يؤيد ما جاء بالكتاب اثراء للمعرفة

 مناقشة الكتاب والكاتب :-
==========================
- تقييمك ورأيك للكتاب ؟ وتقييمك العام له ؟
- ما اهم معلوماتك عن الكاتب ؟
- هل هو اول كتاب تقراه للخرباوي ؟ وهل ستقرأ له كتب أخرى؟
- تقييمك للكاتب.. الي اي حد كان الكاتب موضوعيا او غير منحاز - وهل سيطر عليه الغضب اما انها نظرة موضوعية تاتجة عن تحليل وتفكير؟
- كيف زاد الكتابُ اهتمامك بالموضوع الذي يتحدث عنه؟ وهل ستقرأ كتب اخري عن نفس الموضوع
- ما الاسئلة التي تود توجيهها للكاتب ؟

 مناقشة المحتوى والموضوع:-
==========================
• ما الذي أعجبك / لم يعجبك في الكتاب؟
• ما هي الحقائق التي لم تتوقعها في هذا الكتاب؟
• هل ساهم هذا الكتاب في تغيير رأيك في شخص أو في موضوع معيّن؟ وكيف؟

• هل الاخوان جماعة دعوية تمارس السياسة؟ ام سياسية تمارس الدعوة؟
• رأيك في الحديث عن تنظيم العشرات والنظام الخاص وهل هو موجود الان ؟
• رأيك في شكوكه عن تشابه تنظيم الاخوان بالنظام الماسوني؟
• رأيك في تواصل الاخوان مع القيادة الامريكية حسب المذكور ف الكتاب؟
• هل حادت الجماعة عن مسارها كما يري الكاتب؟ وانتهت باستشهاد حسن البنا .. او ع الاقل رحيل التلمساني؟
• رأيك في أراء أبو غالي عبر الكتاب . وتوصيفاته وتدقيقه للمعاني
• العميد حسنين ؟ وهل كان من الاخوان ؟
• رأيك في الصوفية وتدثر الاخوان بها ؟
• رأيك في ما ذكر عن كذب ونفاق الاخوان؟ وعن التزوير في الانتخابات الداخلية حتي انتخاب المرشد؟
• رأيك في معاملة الجماعة لابنائها ؟ وهل تتفق او تختلف مع ما ذكره الكاتب ؟


• اجمالا ما الذي تتفق/تختلف فيه مع الكاتب ؟
• ما الذي تعرفه او قرأته وغفله الكتاب ؟
• هل هناك اي كتب او دلائل تنقد وتفند المعلومات الواردة بالكتاب؟

واخيرااااااااا
• رأيك في رأيك ؟ هل انت موضوعي ؟


Nermen Taha | 14 comments اشكرك يا أحمد علي مجهودك الرائع،ها ابدأ بالكاتب ده أول كتاب اقرأه للأستاذ ثروت الخرباوي و ان شاء الله هاقرأ قلب الاخوان ،بالنسبة لأسلوبه هو ممتع في سرد الاحداث ،و اعتقد انه كان لحد كبير موضوعي و غير متحامل علي الاخوان لكن السؤال اللي كان في ذهني خلال قراءة الكتاب أزاي هو استمر مع الجماعة للفترة الطويلة دي و ازاي كان بيتجاهل شكوكه و الاشارات اللي كانت بتحصل قدامه ،غريبة فعلا جماعة الاخوان ازاي عندهم القدره علي التأثير علي عقل اعضائها بالشكل ده ، ومن الاشياء المثيرة للأهتمام القدرة علي تزييف الحقائق يعني مثلا الجزء المتعلق بأول مقال كتبه الخرباوي و كان عن جملة الهضيبي ان الاخوان كانوا بتقربوا إلي الله باعمال التنظيم الخاص ،وازاي قدروا يكدبوا ان الهضيبي لم يقل الجملة دي و ان الخرباوي بدأ يشك في نفسه ،انا لو قرأت الكتاب ده قبل الثورة كنت اعتقدت ان الخرباوي غير صادق لأن مش ممكن حد يكدب و يشكك الناس في كلامهم بالشكل ده لكن للأسف ده اللي بيحصل دلوقتي بنلاقي الكدب قدامنا عادي جدا


قاسم الدهبي | 8 comments بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد المنعم ابو الفتوح وابو العلا ماضي قبل ثروت ومكتبوش بنفس اسلوبه دا
وتلميحاته دي وخصوصا بتاع ان الاخوان ماسونيين
:D
مستغربتش لما عرفت ان الكتاب اتنشر بعد الثورة
بس شايف انه بكل المقاييس انه كافي لتشويه كل الجماعات الاسلامية ان كنا هنعتمد عليه لوحده
وبشكل عام يعتبر مجرد شهادة علي العصر وهيتسأل عليها قدام ربنا
قد يكون صادق وقد لا يكون


message 4: by Marwa (last edited Mar 10, 2013 09:48PM) (new) - rated it 2 stars

Marwa Assem Salama (marwaassem84) Ahmed wrote: "

سعيد باننا هنبدأ مناقشتنا .. واللي لسه باقيلوا صفحات في قراية الكتاب يخلصها ويتابع معانا

استحملوني بس هفكر نفسي وافكركم بشوية حاجات قبل الاسئلة ..

دا مقياس لنجاحنا من عدمه في النقاش - الموضوع..."


لم أنهي سوى ثلث الكتاب إلى الآن ، ولكن بدا واضحا أن كل من ترك الأخوان كان قد تعرض قبلا للنبذ ثم التهميش ..ولم يكن قرار الترك حاسما كحسوم المبدأ إنظر مثلا مقالته على لسان (عاطف عواد)الذي ترك الجماعة قبله : ((الإصلاحيون يا سيدي لا يستطيعون التنفس داخل جماعة كتم النفس هذه ..عبد المنعم أبو الفتوح يظن أنه يستطيع الإصلاح ويحاول أن يجمع معه جيل الوسطيين مثل إبراهيم الزعفراني وآخرين ولكنهم يعيشون على وهم لن يتحقق..إن الفريق الذي سرق الجماعة يقوم بدوره بنجاح ملحوظ وهم يسحبون حاليا كل الملفات التي كان أبو الفتوح مسؤلا عنها أصبح الآن عبد المنعم يجلس في الجماعة بلا عمل وأظن أنه سيستيقظ ذات يوم من حلم الإصلاح هذا على قطار الإخوان وقد ابتعد عنه وتركه وحيدا بلا جماعة ))وهذا تقريبا ما حدث مع الخرباوي نبذ شديد من قبل (مأمون الهضيبي) تلاها خلاف وترك ..أما ما كان يراه ويحكيه من تناقض وتزييف في فكر الجماعة فلم يكن مانعا لبقاءه كل ..هذه المدة ؟؟؟..ما أنا متأكدة منه بعد هذه المئة وبضع من الصفحات أن(ثروت الخرباوي ) يملك من الأسلوب ما يجعله روائيا أو أديبا ..والشئ الثاني أني لن أكون يوما من بين قراءه


Hadil | 1 comments قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد المنعم ابو الفت..."





الخرباوي كان ليه مؤلفات كتير قبل الثورة ( قلب الإخوان ) 2010 و كمان مقالات أجرأ بكتير في دورهم في فساد نقابة المحامين 2007 و ( الكشف عن فضائح الإخوان ) 2009 .. مش الفكرة في إنتشاره بعد الثورة إنه عنِد في الإخوان ولا تشويه الجماعات الإسلاميه بس دا طبيعي لأن دورهم بارز و من أبسط حقوق الشعب إنه يعرف تاريخ اللي مستقبله بإيديهم .. و مع إحترامي بس معتقدش إن الكتاب فيه مبالغة و لكن لو دا كان كذب أو إفترى أعتقد مكانش أشرفهم أمثال أبو الفتوح و محمد حبيب و إبراهيم الهضيبى مثلآ ( قبلهم الخرباوي طبعا ) :) كانوا إنشقوا عنهم دا غير العناصر الصغيرة أكيد :)


Reem badran (reembadran) | 20 comments لم انتهى بعد للأسف من الكتاب وسأبدأ أولا بتعليقى على أسلوب الكاتب يليه المحتوى .. أسلوب الكاتب شيق فى سرد الأحداث مع اشارة الى ثقافة واسعة فى الكتابة والتشبيهات التى تصل احيانا الى حد البلاغة ويعتمد على التطويل .. أما عن المحتوى فمع بعض التحفظ على المبالغة فى سرد الأحداث فإنى أؤيد أن من يتخذ قراراً بترك تلك الجماعة قد تعرض لنصيب كبير من التهميش والنبذ وهذا واضحا فى طريقة الحديث عن الهضيبى كمثال اولى ولكن هذا ولنكون منصفين لا يمنعنا من القول انصافا ان الكتاب يعمل ككشاف كبير لغيبيتنا التامة عن ماهية الجماعة وتنشئةوتعامل أعضائها من المجتمع الخارجى .. تقييمى للكتاب 3.5


Marwa Hassan  (marwa_mohamed) | 6 comments انا قرأت الكتابين (سر المعبد ) و فى (قلب الاخوان ) كتاب سر المعبد بدأ فصوله الاولى و بدأ يعلى فى الاحداث ...نوعاً ما تسلسل الاحداث و ارتباطها بأشخاص معاصرين او متوفيين يخليها منطقيه انما الجزء اللى وصف فيه التنظيم بالمساونيه مقدرتش اصدقه حسيت انه مش منطقى مش مبنى على حقائق ...حاجه كمان الكتاب لم يذكر مصادر تمويل الجماعه و لم يذكر التدريب العسكرى للافراد بالرغم من انه اشار بالجمله "لابد للفكره من جيش يحميها " فى بعض الاحيان حسيت انه غير موضوعى بيصور الجماعه على انها وحش يصعب مواجهته ..فى النهايه هو خد جانب النقد لسياسات الاخوان من منطلق واحد عاصر التجربه بنفسه و عارفهم ...لكن احنا عشان نحكم صح لازم نقرأ فى كتب اخرى لناس رأيهم مؤيد للجماعه ... بما ان تدعو اسطوره الكتاب للتفكير "القراءه دون تفكير هى تلقين "


Alaa Ezzeldin | 13 comments قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد المنعم ابو الفت..."


انا لسه ماخلصتش الكتاب..بس متهيألي ان آخر حاجة ممكن اتهمه بيها هى المبالغة


Sarah Chan | 34 comments الكتاب ممتع جدا وأسلوبه الأدبي مميز ..حسيت ببعض الملل في شوية أجزاء وبعض الأجزاء كانت ربما غير منطقية زي الماسوإخواكية بس هو رد على النقطة دي بخصوص الماسونية في تشابتر قدام من الكتاب وقال ان تنظيم الماسونية عالمي واحتمال انه يحط جزء أو يحاول يدس أشخاص معينين في الإخوان فكرة محتملة لكن التأكيد هو نفسه ما أكدش على الفكرة =)

الحاجة التانية الي أنا شايفاها في الكاتب عكس ناس كتير انه بالعكس هدف الكتاب مش نشر الفضايح والتشهير بالناس ..هدفه الأساسي إنه يوضح لناس كتير أوي شايفة الإخوان ملايكة أو هدفهم الخير والناس بتحاربهم عشان هما هدفهم نبيل ..

ناس كتير بتنشق عن الجماعة عشان أسباب كتيرة زي إنه ما ينفعش تفكر بأسلوبك الشخصي ولا تمشي إلا بأمر شخص واحد هو المرشد ..وتاني حاجة إنهم مش المفروض بيشوفوا غير وحهة نظر واحدة والحقيقة دي مشكلة كل الفصايل بس الفرق إن إحنا بنشوف عيوب حتى الجهات التانية إنما الي مؤمنين بالإخوان مش شايفين فيهم غلطة ..

حبيت في الكتاب أوي إنه بينلي إن مرسي وبديع والشاطر من فكر سيد قطب التكفيري ..

أنا كنت حضرت ندوة للأستاذ الخرباوي في حفلة توقيع الكتاب فهو كمان أضاف الفكرة من حكم مصر بالنسبة للإخوان مش الحكم لمجرد الحكم ولا حتى الاقتصاد والنهضة والكلام ده ..هما هدفهم المشروع الإسلامي لأنهم مش شايفين مصر أصلا دولة اسلامية ..

في فيديو للعريان حسب ما أذكر على اليوتيوب لما قال معندناش القدرة ولا الرغبة في حكم مصر ..أو مرسي لما قال مرتين سنعيد فتح مصر في مسجد عمرو بن العاص وكأن مصر دولة من دول الكفار..

دي حاجات اتكشفتلي وأنا بقرا الكتاب مع الندوة عملتلي view كويس عن طريقة تفكير الإخوان ..

هدف الكتاب مش الصحافة الصفرا ولا النيل منهم هدفه يبين طريقة تفكيرهم وهما من الآخر عايزين إيه ..!


Sarah Chan | 34 comments Marwa wrote: "Ahmed wrote: "

سعيد باننا هنبدأ مناقشتنا .. واللي لسه باقيلوا صفحات في قراية الكتاب يخلصها ويتابع معانا

استحملوني بس هفكر نفسي وافكركم بشوية حاجات قبل الاسئلة ..

دا مقياس لنجاحنا من عدمه في ال..."


هو رد على النقطة دي .. وكان صريح مع نفسه لما قال إنه كان رغبته إنه يحاول يصلح من داخل الجماعة وكمان ما يتخلاش عن أصدقاءه اللي كانوا جوا الجماعة ومحتاجينه في الفترة دي خلاه يصبر عليها .. الحاجة التانية الي عايزة أقولها إن د الخرباوي في الندوة قال معلومة مهمة جدا .. إنه مارضاش يكتب الكتاب مباشرة بعد انسلاخه من الجماعة لرغبته في التخلص من كل مشاعر تخليه يبعد عن الحيادية ..

ربما تلك المشاعر هي مشاعر غضب أو حب للجماعة الله أعلم لكن رغبته في الحصول على الحيادية وعدم ذكر أسماء أشخاص لعدم رغبته التشهير بيهم بيأكدوا لي إنه مش مجرد شخص عايز ينتقم لنفسه بنشر الفضائح لأن أسلوب الكتاب نفسه مش هدفه كده إطلاقاَ ..


message 11: by Rehab (new) - added it

Rehab Helal | 6 comments بجد اسلوب الكتاب ده شيق جداً .. واختياره للألفاظ واسلوبه في الوصف .. كتاب جذاب فعلاً

عجبنى مثلاً تناوله لفكرة خير اجناد الارض .. وفاجئني بوجهة نظره في خيريه اجناد الارض .. على اد ماعجبنى الوصف على أد ما وجعتنى الفكره ..زي ماتكون عايش عمرك كله شايف حاجه معينه انها ميزه ولما تبصلها فجأه من وجهة نظر تانيه يئلمك انها عيب كبير زي ماهى ميزه كبيره !!

انا لسه ماخلصتش الكتاب .. بس لغايه دلوقت الكتاب اكدلي كتير من افكارى عن الاخوان .. وبدأ يجيب لي عن تساؤلي الدائم ( ازاى الناس دى بتتكلم نفس الطريقه والالفاظ وازاى بيلاوعو في الكلام كده ويقلبو الترابيزه عليك في كل نقاش لغايه ما تحس ان مافيش فايده من النقاش رغم انك متأكد من انك على حق .. وازاى قادرين يأيدو حاجات لا تمت للمنطق بصله )

هكمل الكتاب ان شاء الله واجى تانى اشارككم بالافكار اللى استنتجتها او أثرت فيا او غيرت وجهة نظرى او حتى اكدتلى فكره كانت عندى من الاساس


قاسم الدهبي | 8 comments Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد ال..."


Marwa wrote: "انا قرأت الكتابين (سر المعبد ) و فى (قلب الاخوان ) كتاب سر المعبد بدأ فصوله الاولى و بدأ يعلى فى الاحداث ...نوعاً ما تسلسل الاحداث و ارتباطها بأشخاص معاصرين او متوفيين يخليها منطقيه انما الجزء الل..."

Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد ال..."


ألف شكر ع التوضيح
انا فعلا اول حاجة أقرأها ليه كانت الكتاب دا حتي معرفش شكله لاني مش بتابع الاعلام
بس قرأت رأيك ودا فعلا اللي اقصده بالذات تلميح الماسونية دا اللي استند بيه شباب كتير كدليل علي ان سيد قطب مثلا ماسوني بس بشكل عام لو فيه كتب قديمة لابو الفتوح او ابو العلا ماضي عن الاخوان ياريت تقتريحيها
ولو فيه كتب بردو مؤيده ليهم يبقي كويس اوي
لاني بصراحة رافض للانطباع المبدأي اللي خدته عن كل الجماعات الاسلامية بعد قراءتي لنصف الكتاب فمكملتوش :(


message 13: by قاسم (last edited Mar 11, 2013 05:32PM) (new) - rated it 3 stars

قاسم الدهبي | 8 comments Alaa wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماعة امثال عبد ال..."


يمكن حسيت دا لان الفكرة اللي اتخلقت في دماغي بعد قراءته ان الاخوان شياطين
اكتر من انهم ضلوا طريق الدعوة في متاهات السياسة
ويبدو اني لوحدي اللي تأثرت بالكتاب جدا يمكن عشان مش بقرا كتير زيكم :D


Rehab Soliman | 6 comments مقدمة رائعة وموضوعية فالكاتب يعرض وجهة نظره له ما له وعليه ما عليه .. اعجبت بأسلوبه وأراه كتاب ممتع جداً وجدير بالقراءة .. لم أقتنع كثيراً بربطه بين الإخوان والماسونية ربما أكون على خطأ ولكني رأيته منحازاً متعصباً في هذة النقطة .. شدني جداً جداً حواره مع الشيخ الحكيم تحديدا من صفحة 147 في الحوار بينه وبين الشيخ أحمد إبراهيم أبو غالي حفيد الشيخ طنطاوي جوهري .. وأظن اني هاقرأه تاني .. في النهاية جدير بالقراءة والتفكر والتمعن .. فالقراءة بلا تفكير ليست قراءة ولكنها تلقين


message 15: by محمود (new)

محمود (nasherty) قاسم wrote: "Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماع..."

هناك مزكرات د عبد المنعم ابو الفتوح


Fatma Adel | 23 comments اظن ان الكاتب كان واضح جدا لما قال ان اللى حياخد الكتاب زى مهو كده يبقى ميقرهوش وده مربط الفرس يعنى فى حقايق معينة قالها ابو الفتوح وذكرها الخرباوى بردو زى انتماء الافراد النفسى والتكوينى للجماعة وانتهاء بريق الجماعة بوفاه التلمسانى وسيطرة مشهور وتصعيد شخصيات زى الشاطر ومرسى دى ممكن ناخدها كانها ثقة وفى حاجات مبالغات نفسية من الكاتب مش اكتر زى احساسه بانه اتحرر من عبودية لما ساب الجماعة وتعليقه فى الندوة الخاصة على الكتاب بانهم بيبعتوا حد وراهم عشان يشوفوا صلوا الفجر ولا لا! بقى ده كلام ياراجل ازاى يراقبوا كل الافراد دى! بس عامة الكاتب اسلوبه الادبى لذيذ ويشد للقراية


Mohamed Kowema | 1 comments الوضع الحالى الذى نعيشه هذه الايام يؤكد ويدل على صحة كلام هذا الرجل سواء كان صادقا ام كاذبا هذا لا يهم ولكنه يعطينا صورة داخلية للاخوان بكل ايجابياتها وسلبياتها وكذلك الاتجاهات داخل الجماعة القطبيين والاصلاحيين من رأيي ان هذا الرجل قدم معلومات فى غاية الخطورة و السرية وفتح الباب امام اخوانه من المنشقين للحديث بدون خوف او تراجع خاصة الاستاذ مختار نوح و الاستاذ محمد حبيب و سامح عيد و وائل ابو خليل


Marwa Hassan  (marwa_mohamed) | 6 comments محمود wrote: "قاسم wrote: "Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير..."


اسمه ايه الكتاب بتاع د.ابو الفتوح ؟؟


Marwa Hassan  (marwa_mohamed) | 6 comments Mohamed wrote: "الوضع الحالى الذى نعيشه هذه الايام يؤكد ويدل على صحة كلام هذا الرجل سواء كان صادقا ام كاذبا هذا لا يهم ولكنه يعطينا صورة داخلية للاخوان بكل ايجابياتها وسلبياتها وكذلك الاتجاهات داخل الجماعة القطبي..."

المعلومات مش خطره و الخطوره اللى بجد انه يذكر تمويل الجماعه منين ...و يذكر التدريب العسكرى ؟؟


Marwa Hassan  (marwa_mohamed) | 6 comments قاسم wrote: "Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير سابوا الجماع..."


كان فى كتاب شفته ده بيتكلم عن الجماعه من الداخل و اللى كتبه حد من داخل الجماعه و مؤيد ليها عشان كده هتلاقى الضد بتاع د.الخرباوى ...
اسم الكتاب: الاخوان المسلمون:احداث صنعت التاريخ . رؤيه من الداخل- محمود عبد الحليم
ده 3 اجزاء و كل جزء بتاع 500 صفحه .!!!


message 21: by Sasssa (new)

Sasssa khalil | 22 comments الخرباوي في مكانه في الجماعه مكنش مطلع على كل الاحداث دي ياريت نفهم ان القصد من الكتاب الربح و ليس الا ..... الاخوان جميعهم تجار و محدش عدا جنب الجماعه دي و مبقاش كداب و احنا بناقش كتاب واحد كداب و معنى ان محدش من الاخوان هاجموا انه فعلا خما بيزرعوا جوانا شكل للجماعه واحنا نقتنع بيه .....وسؤال للمدير ازاي ااقدر اناقش كتاب سياسي بعيدا عن ارائي السياسيه و بعدين ده مش كتاب سياسه لو عايز كتاب بيتكلم عن الاخوان بموضوعيه في كتاب بتاع يوسف ندا مع دوجلاس تومسون في دار الشروق


قاسم الدهبي | 8 comments Marwa wrote: "قاسم wrote: "Hadil wrote: "قاسم wrote: "بصراحة الاسلوب ممتع جدا وبيلمس المشاعر والاحاسيس عند القاريء اكتر ما بيلمس العقل والمنطق
حسيت ان الكتاب فيه حاجات كتير فيها مبالغة كبيييرة جدا
وفي ناس كتير..."


الف شكر يا باشا


Mohamed Hasan | 8 comments الكاتب مزج بين سرد الواقع الذى حدث وبين الاسلوب الادبى الرفيع ، كتاب ممتع


Mohamed IBrahim (mohamedibrahim) | 3 comments كتاب موضوع لفئة معينة .. لجيل جديد من الشباب يتشرب روح عدائية ضد الاسلاميين كلهم و هو جاهز لتصديق أي رواية تُقال عن ان الاسلاميين عملاء أمريكا وخونة وشياطين طوال تاريخهم كتاب يبدأ باتهام الجماعة بأنها ماسونية ، وأن الهضيبي و سيد قطب ماسونيين ، ثم بعد ذلك ينتصف بحكايا معتادة من وسط الاخوان والمشاكل البشرية الموجودة في أي تنظيم فيصورها الخرباوي أنها بين شياطين ملاعين

أعجبني جدا هذا التعليق من الدكتور عمرو عبد العزيز عن الكتاب وهو محق فيه تماما من وجهة نظري

وفى بداية الكتاب الردئ من رأيي يقول ثروت الخرباوي

" اذا كنت ستقرا ستقرا هذا الكتاب لتاخذه كما هوفلا تقراه،
واذا كنت ستقرؤه وقد اتخذت مسبقا قرارا برفضه فلا تقراه،
ولكن اقرأ وفكر،ثم بعد ذلك ارفض او اقبل، ارفض الكل او ارفض البعض
قراءه بلا تفكير ليست قراءه ولكنها تلقين،
الاحرار فقط هم الذين يفكرون حين يقرءون،
قراءه مضخمه بالتفكير تعطيك عمرا جديد،
وفى هذا الكتاب اهب لك بعض من عمرى.
ثروت الخرباوى
"

واقول له ما دام هو يطرح من خلال الكتاب هو ان يعطيني تجربته مع الاخوان المسلمين وبعض الانطباعات التي أخذها عنهم خصوصا لعلنا جيدا نعرف أنه منشق عنهم وكلنا نعرف تقريبا ان اغلبية من انشق عن تنظيمات فى العالم هاجمها سواء أكان علي حق ام علي باطل لكنه من خلال رسالته فى بداية الكتاب هو يريد رفع مرتبة الكتاب بجعله كامن كمونا خارج الزمان والمكان وكذلك وضع كاتبه فوق كل النقد او الشبهات وهي نفسها العبارة دائما التي تتخذ عند نقد الكتاب او ذكر شئ غير الموافقة ما فيه هي انه من يفعل ذلك هو تابع للاخوان او مؤيد لهم او حتي عند ذكر شئ عن الكاتب فأنني اتسائل عن كيفية وصول الوثائق السرية التي تحدث عنها ثروت الخرباوي فى كتابه الي ثروت الخرباوي نفسه بعد أن أصبح أحد اهم معارضيها وكيف ما دام هذا التنظيم الارهابي المتوحش القاتل لم يستطع التخلص منه او منع وصول تلك المعلومات علي الاقل بعده

الكتاب ببساطة يرجع الي اذهاني بعض كتب كبار المدافعين عن قضية محرقة اليهود من حيث اصرارهم وطرحهم لفكرة المحرقة وكانها حدث كموني لا يمكن الطعن او الفصل او التشكيك فيه ولكن يمكن النقاش فى نتائجه وما بعد الحدث أي أن الحدث نفسه خارج نطاق الزمان والمكان أما ما بعد الحدث فهو ما انتهي اليه والامور التي يجب ان تترتب عليها من محاكمة قادة النازية والشعب الالماني واحقية اليهود فى الاستقرار فى فلسطين وغيرها وهنا الكتاب يفعل بنا ذلك عبر صفحاته لكن هذه المرة يستبدل هتلر بمنصب المرشد (أيا كان من فيه فهو في رأيه منصب لشخصيات حقيرة) واستبدال حاشية هتلر ومعاونيه باعضاء مجلس شوري الجماعة واستبدال جوبلز بسيد قطب

كتاب اضاع من وقتي 4 ساعات
لم اقرأ للخرباوي كتاب غيره وقراءته كانت بالاساس طلب من أحد الاصدقاء الاعزاء ويبدو أنه لم يوفق فى نصيحته

لم يعجبني الكتاب بالطبع


message 25: by Yara (new) - rated it 4 stars

Yara | 9 comments Nermen wrote: "اشكرك يا أحمد علي مجهودك الرائع،ها ابدأ بالكاتب ده أول كتاب اقرأه للأستاذ ثروت الخرباوي و ان شاء الله هاقرأ قلب الاخوان ،بالنسبة لأسلوبه هو ممتع في سرد الاحداث ،و اعتقد انه كان لحد كبير موضوعي و غي..."

عندى نفس السؤل بتاع هو ازاى استمر هناك كل ده .. بس بيتهيألى يعنى فى حاجات ممكن الواحد يكون غافل عنها فترة كبيرة و بعدين يكتشفها ..


message 26: by Nour Eldeen (new) - added it

Nour Eldeen (noureldeenmagdy) | 5 comments لازلت أقرأ في الكتاب

بداية الكتاب هي تسجيل لعاشق و لهان لشعوره عند و بعد فراق محبوبته التي افنى عمره كله اخلاصاً لحبها

ثم تركته و تركها ثم شعر بلذة التحرر من قيودها التي احاطته بها و احاط نفسه بها من أجلها.

و واضح جداً نزعة التصوف في أسلوب الكاتب ألفاظاً و أفكاراً و تعبيراً


Reham | 1 comments السلام عليكم ورحمه الله انا الحقيقه مش عارفه الدنيا ماشيه هنا ازاى انا مش بعرف اقرا كتب خالص على جود ريدز ياريت تعرفونى لانى مش بعرف يمكن استخدم الموقع اوى


Sarah Chan | 34 comments Reham wrote: "السلام عليكم ورحمه الله انا الحقيقه مش عارفه الدنيا ماشيه هنا ازاى انا مش بعرف اقرا كتب خالص على جود ريدز ياريت تعرفونى لانى مش بعرف يمكن استخدم الموقع اوى"

بصي يا ريهام انتي بتعملي سيرش من فوق على أي كتاب عايزة تنزليه وبمجرد ما يفتح لك البيج بتاعته حتلاقيه لينكات في مستطيلات خضرا ودي الطرق الي تقدري تحصلي على نسخة من الكتاب يا إما تشتريه إلكتروني أو تنزليه عن طريق
downloadebook

روحي عليها ونزليه
pdf

مش كل الكتب حتلاقي إمكانية إنك تنزليه من الجود ريدز ساعتها ممكن تعملي سيرش في جوجل وحتلاقيه يا إما على الفور شيرد أو ميديا فاير ^^ أو مواقع تانية عادي

أما مسألة إن احنا بنخسر الكاتب فبصراحة أنا حاسة انها سرقة لو فيه كتاب عجبني فعلا ممكن أرجع اشتريه نسخة ورقية :p

حسب الضمير والماديات ^^"


Ahmad Wagieh (wagieh) | 522 comments Mod
المناقشة خلاص هتتقفل في الكتاب بكره ان شاء الله... وياريت نكون استفدنا حاجه من المناقشة وقرينا اراء بعض ...

اسف اني مكنتش متواجد فترة النقاش لظروف خاصة عندي ..


واخيرا ...
سواء كنت مع او ضد الكتاب .. فالاهم يكون هدف المناقشة وصل .. وهو اننا ندي مساحة لعقلنا يشتغل بعيدا عن النمطيات والجمود والاراء المسبقة ... ونحاول نشوف وجهات نظر واراء تانية بدون تعصب او جمود علي فكرة معينة ... وانو فرصة لقراية اكتر وتعمق في تاريخ الجماعات الاسلامية والاخوان في مصر ...


message 30: by Dr (new) - rated it 3 stars

Dr Aliaa | 19 comments اسلوب الكاتب كان جميل فى السرد وبيوصل المعلومة بالتفصيل مع اني كنت بحس شوية بالملل بس هو واضح انه كان مصر علي الاسلوب ده علشان يوصل احاسيسه وافكاره بالضبط
وانا شايفة انه كان موضوعي جدا
وحسيت انه عامل الكتاب ده للاخوان نفسهم نصيحة منه ليهم علشان يبتدو يفكروا في اللي بيحصل حواليهم ومايعدوش حاجة
اعتقد انه فعلا خايف على الجماعة ونفسه بجد تبقى دعوية زي ماهو كان فاكر بدليل استمراره كل المدة دي بيحاول يتاكد من شكوكه
انا بالنسبة لى ده اول كتاب اقراه للخرباوي
انا قبل مااقرأ الكتاب كنت متوقعة شوية حاجات بس طبعا اتصدمت كتيير باللي قريته بس صدقته


message 31: by Ahmad (last edited Mar 25, 2013 07:30PM) (new) - rated it 4 stars

Ahmad Wagieh (wagieh) | 522 comments Mod
.........................تم الانتهاء من المناقشة واغلاقها ...........................


back to top
This topic has been frozen by the moderator. No new comments can be posted.