Rokka El-hagagy > Rokka's Quotes

“كان ياما كان
كان فيه شهيد
كانت نهايته أو بدايته لما يوم حفروا القنالْ
خلف شهيد
كانت بدايته لما يوم عبروا القنالْ
خلف شهيد عاش كالرجالْ
حربه اسمها اللقمة الحلالْ
كان فيه شهيد عايش سؤالْ
مين اللي ماسك دفة المركب و حادف ليه شمالْ؟."
مين اللي خرَّب مركِبك يا مصر
مين اللي داس الكوخ برجل القصر
كان ياما كان
كان فيه شهيد رافع علامة النصر
يوم كان في عبَّاره ، ويوم في القطر
وليله بايت في الدويقه جوَّا بيت من صخـْر
وليله جوَّا القسم .. أو في المُعتقل
راضي وسعيد
خالد سعيد
عاش كالرجال
سيد بلال
كان ياما كان
كان فيه شهيد
خلف شهيد جاور شهيد
كان جد جده كمان شهيد
صاحب شهيد ناسب شهيد
جوّز بناته الخمسة لولاد الجيران
طلعم ولاد عم الشهيد
جارهم شهيد
عاشُ و ما عاشُ يقاموا القتل في الطوابيرْ
ماشيين علي المساميرْ
و الكل بيعظّم سلام لعصابة الخنازيرْ"
و الظلم فاضْ
هات طوبة ياضْ
داخلين علينا البلطجية طوال عراضْ
راكبين جمال شبه القراضْ
حصّلني دوغري عند عب منعم رياض
بتقوللي عب منعم رياض؟
مش قلت لك؟
كان فيه شهيد خلف شهيد خلف شهيد
طب ايه الجديد؟
ربك يريد!”
― عبد الرحمن يوسف

“و يا بنات مصر قوموا حبوا،
أجمل ما فى الراجل الكرامة”
― تميم البرغوثى

“و الخط عود ورد مورّق،
عاشق و مش عايز حاجة،
الا مصاحبة من يعشق.”
― تميم البرغوثى

“و العشق علة تصيب المرء فى ودانه،
يفضل مبلم و لا يسمع كلام يتقال.
تقول له دى حمارة يا بنى،
يقول دى بغل أبيض.
و فرق واضح كبير بين حمير و بغال.”
― تميم البرغوثى

“القلب فرحان لكن أتعبه منفاه،
و هده بعده عن اللى عاش بيستناه.”
― تميم البرغوثى

“متى تُبْصِرِ القدسَ العتيقةَ مَرَّةً,
فسوفَ تراها العَيْنُ حَيْثُ تُدِيرُها”
― تميم البرغوثي

“مطر وطالع يقول لربه
الامهات اللي في مصر ربوا
ويا بنات مصر قوموا حبوا
اجمل ما في الراجل الكرامة”
― تميم البرغوثي, يا مصر هانت وبانت

“اعلم يا هذا الجيل ان الوطن بشره
لو مصر مالهاش نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره”
― تميم البرغوثي, يا مصر هانت وبانت

“يا متحصّن في الأبواب
اسمع كلمة و فصل خطاب
من مفتاح مزنوق في الباب
إنت أقوى منّا صحيح
و عملنا هيروح في الريح
بس الريح يابو مخ صفيح
راح تدخل من غير مفاتيح”
― تميم البرغوثي, يا مصر هانت وبانت

“لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل”
― تميم البرغوثي, يا مصر هانت وبانت

“يا شعب ياللي دفع تمن الشوارع دم
احفظ اسامي اللي ماتوا في الشوارع صم”
― تميم البرغوثي, يا مصر هانت وبانت

“يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه”
― تميم البرغوثي, يا مصر هانت وبانت

“فيه حاجة بتخلي السجين المُستكين في كل حين أشطر من السجّان
فيه حاجة بتخلّي القوي عيل قوي و بيتلوي من نكتة الغلبان”
― تميم البرغوثي, يا مصر هانت وبانت

“فليحذر السلطان زحف الغابة
و الورد إذ يستأنس الدبابة
داب الحديد من لمسته دوبان”
― تميم البرغوثي, يا مصر هانت وبانت

“ولا جزوع فلاحين لو يعدلوها تميل
حكم الليالي ياخدهم في الحصاد محاصيل
يلبسوهم فراعنة ساعة التمثيل
وساعة الجد فيه سخرة وإسماعيل”
― تميم البرغوثي, قالوا لي بتحب مصر: قلت مش عارف

“كان ياما كان فيه ملك لـكن مالوش أحـباب
عشـق رمى التاج و عاش العمر كله شـباب
فيه نـاس يقـولوا عليه مجنون و ناس جاحد
وأنا اقول أبيع عمرى كله بيوم غرام واحـد”
― صلاح جاهين, الأعمال الكاملة لصلاح جاهين

“ العنب ده، طعمه مر! "
قال كده التعلب في مره
((و الدليل على أنه مر ..
إنه جوه و أنا بره ..!”
― صلاح جاهين, الأعمال الكاملة لصلاح جاهين

“تفاصيل المترو ممكن تخنق لكن هي" نفسهاالتفاصيل اللي ممكن توصلك معاني بشكل مختلف... تفتحلك شباك هوا علي دنيا جديدة في عز الحر”
― ياسمين يوسف, مترو: فانتازيا الحياة

“اول طموح العاشقين نظرة
واول نظرة مابتتنسيش”
― توماس بشاى

“الكوتشي اللي باش
م اللف ف شوارعك
يحرم عليه
يبوس ارض غيرك

والقلب القماش
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”
― مصطفى إبراهيم

“والحضن دايماً يختصر
نُص الكلام”
― مصطفى ابراهيم

“دايماً على قد ما تتساب ..سيب
وعلى قد ما واحشك أحباب ..غيب
كل الداين ..كان متداين
والدين بيلف بدون ترتيب”
― مصطفى ابراهيم

“نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك ....”
― مصطفى ابراهيم

“بخاف م الموت
عشان خايف ساعتها أكون
عبيط..كل اللي سبته..كلام
بشوف افلام
عن الدنيا
وعن حكايات
لناس عاشت حاجات تانية
وعن حكايات لناس ماعاشوش
وبَتأثّر
وبَتحسّر
على كل اللي كان ممكن
أكونه
بس ما بقيتهوش”
― مصطفى ابراهيم

“البالونة - مصطفى ابراهيم

فى حاجات علشان نعرف درجة قوتها

...بنكسرها


وحاجات ف ادينا عشان نعرف اننا عايزينها

....بنخسرها


...كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفي ابراهيم

“ماتقولش الحظ اداني قفاه
وانه طلع فالصو والامونيا
الحظ يا عم ادَّاك وشُه
م الناحية التانية من الدنيا”
― مصطفى ابراهيم

“والذكريات دايما بتصحى لما نيجى نحتضر”
― مصطفى ابراهيم

“إذا كان الميزان مقلوب
ف يبقى العرض حقه الدم
ولو منفعش حدف الطوب
هتبقى البندقية أهم”
― مصطفى ابراهيم

“قلبى عايش نص حى....ونص ميت من زمان
إيد بتمسك فى الى جاى....وعقل سارح ف الى كان”
― مصطفى ابراهيم

“الملح والسكر نفس البياض ازااى ؟
والورد احمر زى لون الدم
اعرف منين الضحكة دى من فين ؟
وان كنتى ضحكة فرح
ولا انتى ضحكة هم”
― مصطفى ابراهيم_المانيفستو