“المثقف..المجفف
اللي فرعه مهما طاطا..عمره ما يشبع تدني
يا صديقي..
يسقط الجسد اللي بيزاحم طريقي
و اللي بيغرس خطايا في الخطايا
نصحى ع اليوم الجديد..نلاقينا فقدنا حريتنا و تاجرنا من تاني بالنشيبد
تسقط الحرية من غير قصد في عالمنا البليد
تسقط العزة
و أقنعة الكرامة
الاحتراف قتل الهواية
و الشرف كما تعلمون شىء مش مفيد
تسقط الحرية..نتخلق بأخلاق العبيد
و ف معاصم كل ايد
ينبت القيد الحديد
لا طموح لأى فكر
و الوتر ما يعدش بكر
لا يعود للعفة ذكر
و الضمير يتباع في اسواق النخاسة بالوقية”