“المصرى هو
اللى بيؤمن وهو معاه فلوس ان "اصرف ما فى الجيب يأتيك ما فى الغيب " واول ما يفلس يؤمن بان "القرش الابيض بينفع فى اليوم الاسود
وهو اللى مقتنع ان المصايب لما تحصله بيبقي عشان المؤمن مصاب" بس لما تحصل لغيره بتبقي "من اعمالكم سلط عليكم "
وهو اللى بتشتكيله فيزايد عليك ف الشكوى
ولو قلتله مانمتش من يومين هيقولك مانمتش من اسبوع
ولو قلتله انا زعلان هيقولك انا مكتئب فتخرس خالص فيلومك انك ما بتحكيش
هو اللى بيخاف من كلمه عيب اكتر من حرام عشان بيخاف من الدنيا اكتر من الاخرة”