“ولدنا العزيز الغايب..

ولدنا الغزيز الغايب أزاي بتعيش لوحدك
معلون أبوها الغربه مابقيت فـ الوطن دايب
حواديت قربك وبعدك،لعنت كل الحبايب

بنقلب في الدفاتر نلقانا في دين قديم
بنتكلم لو لسه فاكر! الوالده عنيها دمعت،
قالت:علـ الله يكون سليم..

لو كنت طور في ساقيه هتتعب من الدوران..
هتقولي متغمي،ماداري وفـ القلب بتسمي
هقولك أما تفتح تلقي السقا غرقان..

فاكر حواديت زمان،باخت وقدمت خالص
لاحد صدقها ولا بقينا نحكيها حتي العيال
مصاخيط ماعيصدقوش خالص..

في الغيبه الأرض بارت وعزمنا علي بيعها
مابقتش زي زمان وإن قلبي ع الحاجه،
في غيري يوجعها..

سلملي ع الأغراب ياللي بقيت منهم،
أشكيني ع الأعتباب قطع في جواباتي،
الحق عاللي أتساب وأتعامل كما الغراب
رغم إنه فـ وطنهم..

الكون مهوش الكون مش لاقي كلام أقوله
الله يكون فـ العون راح ندعي الليل بطوله
ولدنا العزيز الغايب..”