“_ სიღარიბე საშინელებაა, მაგრამ უარესია, როცა სიღარიბე თანდათან გითრევს. არადა ადამიანთა უმეტესობა სწორედ ამ დღეშია.
_ და თუ მდიდარი ხარ, ეს რაღაა? _ ვკითხე და გავწითლდი. მან დაკვირვებით შემომხედა, თვითონაც გაწითლდა და მითხრა:
_ იცი, ჩემო კარგო, თუ ფიქრს არ მოეშვი, საქმე ცუდად წაგივა. იმდენი ვაჟკაცობა რომ მქონოდა და იმის რწმენა, რომ იმქვეყნად რაღაცის გამოსწორება შეიძლება, იცი, რას ვიზამდი?
_ არა, არ ვიცი.
_ დავაარსებდი ისეთ საზოგადოებას, რომელიც მდიდარი ოჯახის შვილებზე იზრუნებდა, _ მითხრა მან. _ ჩვენი რეგვენები კი სიტყვა "ასოციალურს" მხოლოდ ღარიბების მიმართ ხმარობენ.”