“يمكن تعبت
أو إنت ف الغالب وصلت ..
من بعد ما اتحطّم قميص الروح،
بطعن الوقت،
وجحود الصحاب..
فتلاقي نفسي المُتعِبة
دايمًا بتاخد
(رغم إحساس مرتبك إنك بريء)
قرار أكيد بالانسحاب..
وصراحة مش محتاج أأكد
أنا مش بتاع الناس!
كان عندي دولة من الصُحاب
سُكّانها ماتوا
ماتوا ماتوا
فيه اللي اندفن تحت التراب
فيه اللي اندفن تحت الطناش،
واكمني مش مشغول قوي
غير بس بالماضي البعيد
مش فاضي أدوَّر
وصراحة ف العمر اللي فاضل
صعب التورط
ف الوشوش العِكرة والكدب العويل !”