“Զարմանալի է, թե ինչու մթության մեջ ամեն բան երևում է այլ կերպ, ոչ ինչպես լույս ժամանակ: Էհ, գրողի ծոցը այդ ամենը:
Մի ժամանակ այդ մասին շատ էի մտածում, և մոտ մի տարի լույսը չէի հանգցնում քնելիս: Հիանալի միտք: Ի դեպ, գրողի ծոցը բոլոր կանայք: Գրողի ծոցը և դու, Բրեթ Էշլի:
Կանանց հետ ընկերություն անելն այնքա~ն լավ է: Չափազանց լավ է: Նախ և առաջ պետք է սիրահարված լինես կնոջը, որպեսզի ընկերությանդ համար հուսալի հիմք լինի: Ես Բրեթի հետ ընկերություն էի անում: Սակայն չէի մտածում այն մասին, թե նա իրեն ինչպես է զգում ինձ հետ: Փոխարենը ոչինչ չտալով, ինքս ինչ որ բան ստանում էի: Դա միայն մի քիչ հետաձգեց հաշիվը ներկայացնելու ժամկետը: Սակայն հաշիվը միշտ գալիս է: Դա մեկն է այն քիչ բաներից, որին միշտ կարելի է վստահ լինել:”