“اخيرا عرفت ايه المطلوب منى بالظبط على الارض
مطلوب أحكى لكم حكايه
كل وحاد مننا حكايه ومافيش حاجة اسمها فلان دا حكايه وفلان دا لأ
ومافيش حكايه احلى من التانيه
لازم اسيب لكم ورايا حكايه وانا ماشى من هنا
حكايه تأكد انى كنت موجود فعلا
الحكايه اللى انتوا هتدولها اسم غالبا اسمى
ولما تيجوا تقولوا اسمى بعد كده
كل واحد فيكو هيفتكر مع نفسه الحته الاجمل بالنسبة له فى الحكايه
مش هابقى متضايق غير من الناس اللى مصره تفتكر الحتت السخفية
اسمة هو الحكايه
اللى كل واحد هيطلع منها بحكمة
صدقونى
كل واحد ماشى على الارض هيبقى فى يوم حكمة
الحكمة اللى هيا فى ... فى نهايه الحكايه”