“ألوم ع الدنيا ولا الناس مش عارفة بصراحة
بس العيب ع الناس اللي بتضحكلك بكل بجاحة
وانتا عارف إنهم كارهينك طيب ليه الوقاحة
محتاج بجد لأجازة ماأشوفش حد أو حتي أسبوع راحة
...
ماهو أصلهم دمهم واقف مليان سماجة
تمثيلية مش كاملة ناقصها الديباجة
يخدعوك ويظهرولك الابتسامة بكل فجاجة
كدابين عايزين ياخدوا بس ميدوش أي حاجة
...
بكل عين قوية ياخدوا اللي ليك بفظاظة
كأنه حقهم وفاكرين الضحكة المرسومة بتديهم لذاذة
إخص ع دي عينات ع الكبير والصغير ع تلك وهذا
بينك وبينهم إتبني كره وحزازة
...
كبر ونفض عشان تعيش اتعود تمشي ع الشوك حافي
بلاش تتعامل بحسن نية وتبين أصلك الدافي
كل واحد عامله بطريقته ولا أقولك خليك بارد وجافي
...
اللي يجرحك اجرحه وعلمه الذوق والأدب
كشر اظهر وبين ماتكتمش جواك الغضب
دول صنف أصله م الرخيص مهماش فضة ولا دهب
لو حتي كانوا أقرب قرب و م العصب
...
اوعي تنسي الآسية ومتنساش المعروف
فكر نفسك دايما بااللي جار عليك وهوه م دمك بعكس المألوف
لسه طريقك طويل هتمشيه إزاي وهوه لاسالك ولا مرصوف
والنبي متعمليش فيها طيب وملاك أصلك هتنداس لو فضلت مكسوف
...
تعالي هنا قولي اللي هينشف دمعتك منهم ولا إيدك
واللي هيعملك معروف عايزك تكون عبده وسيدك
يسحب منك ع أد مايقدر وينشف الدم ف وريدك
وانتا ياغلبان فاكره طبيبك هيداويك وحبيبك
...
ياعم دماغنا مش طلباك فوق كده وركز معايا
افهم رتب ورقك عشان هتخوض اللعبة م البداية للنهاية
واضح ولا أعيد وأزيد تاني ف نفس الحكاية
شكلي كده مش هوصل معاك لحل هتموتني وتاخد عزايا
...
بجد زهقتني خنقتني متمسك بيها أوي كده ليه
المبادئ والقيم وصلتك مع الغجر دول لإيه
سكت يعني مبتردش عليا شكلك بقي وحش ياسعادة البيه
لا ماتكرهوش وتبصله بقرف وتعتب عليه
الزمن ف حقك مش غلطان انتا اللي غلط ياخسران
مالك مطاطي راسك كده إيه حاسس انك ندمان
متأخر "متأخر"أوي إلحق بقي اللي فاض”