“ل ما اعرفك اكتر ..
اكتشف أد إيه انا كنت جاهل
لا بيحس .. ولا بيشوف .. ولا بيقدر
واخاف اعلن عن جهلي .. واستكبر
واقول لقلبي انساها
يقول ياريتني كنت اقدر ..
أعاند .. استقوي علي قلبي
تغرني قوتي .. اتغر
وبس تألمني سنتي
احس اني من غيرك ضعيف
زي حتة إزاز ..
ترميها ع الأرض .. تتكسر
اعاند ..
استبدل حنانك بأزايز الميه البلاستك
اشرب .. اعطش
اشرب .. اتعكر ..
أعذري جهلي يا حبيبتي
و قوليلي فيكي إيه حلو اوي كده
رغم العتمة دي كلها
قادر ينور
♥”