“أنا كنت صياد سمك
وصيد السمك غيّه
ونزلت بحر السمك
اصطاد لي بنّـيّة
و عجبني شكل السمك
ف البحر حواليّه
واحدة بياض شفتشي
والتانية بـُلطيّة
والتالتة من بدعها
سحرت مراكبية
يا محلى صيد السمك
واللعب ف المايّه
يا ريت فردت الشَبك
واصطادت لي شويّة

وعشقت صيد السمك
من قلبي وعنيّا
نزلت أصيد السمك
صادتني بنّـيّة
وقعت أنا ف الشَبك
واللي نجا .. هيّ
قالت لي يا مفتري
مكتوب على ايديا
ايه خدت من ده وده
غير وَقعتك فـيّا ؟
انت نَصبت الشَبك
ووقعت ف ايديا
الركّ مش ع العمل
د الركّ ع النــيّة”