“ماكانِتش عايزة حاجة غير إنها تبقى قريبة منه، تِملِي روحــها الضَّلمة نــور بِشُوفته.
حتى لو هو مش واخد باله من وجودها الضبـابي .. هي راضية بلمعة عنيه لما يضحك ..
عشان ضحكته دي بتِسقي قلبها .
يمكن تحس وهي جنبه باتصال الرُوح زي ما بتتمنى .. يمكن بعد شوية يحس بِطيفهـــا .. يكتشف إن قلبه متعلّق بقلبها لسببٍ ما .. يمكن لو جرب حُضنها وشم ريحة اللافندر المخدرة اللى فيه يعرف أنه أدفى من برّا ؟
طب تقرب أكتر ؟؟ هتقوله ايه ؟! هتبرر بإيه إنها سابته .. إنها اتخلت عنه عشـان جرعة نشوى كدابة !
وهل ممكن يِقبلها تاني ؟ هيسمح لها ترجع حياته وتلخـبطها بعد ما رتب نفسه بالعافية ؟؟
حاجة واحدة كانت مُتأكــدة منها إن عمرها ما هتلاقي إجابة لأسئلتها .. عشان هي اللى اتخلت عنه يومها -ووزنه حتى مكملش 5 كيلو- لصاحبة البونيه الريش مقابل تمن حقنة هيرويــن !!”