“عدت سنه
وأنا بين اديكى عشتها
وعشقتها
وهعيش معاكى عمر تانى
بعدها
مـ البدايه للخلود
نبضه نبضه
حلم حلم
دعوه دعوه فى السجود
جوه قلبك قلبى عود
عازف الغنوايه بنت جميله جداً
فيها منك فيها منى
راسمه دنيا م الورود
بيت براح بلكونته طاله ع السما
من غير حدود
نقعد هناك
وتقولى فاكر
فـ أرُد فاكر
مترو وجنينه وشبابيك تذاكر
مرجيحه تحت القمر
وبحيره بين الشجر
وأنا قلبى دايب غُنا
وأنتى غناكى خطر
يا اللى بدايه ونهايه
أنتِ أساساً قدر
قدرى أنا المحتوم
ومضيب عليه مبسوط
من غير كلام وشروط
وناديت بعلو الصوت
إنى بحبك موووووووت”