“المهم اتفقنا على ميعاد.. ولما أقول اتفقنا على ميعاد يمكن تعدي على الرجالة سهلة كده يعني، ديتها إيه؟ هايستحمي ويخلي أمه تغسله القميص والبنطلون وأخته تكويهومله ويشغل كل اللي خلفوه عشان طلعة أهله البهية.. لكن في بيت العروسة اللي هيا المفروض أنا.. هيييصة.. غسيل للحيطان.. مسح للأرضية.. تنضيف للسجاجيد.. تسييق للسلم.. تلميع للكاسات.. تنضيف للستاير والشبابيك.. وبعد ده كله متوقع من العروسة بعد كل المجهود المقندل ده إنها تتزوق وتخش عليهم حلوة وبتبرق.”