“يابوي ع الليل وآخره
لمَّن تصحى جروحي
حِمل وماقادرش أتاخره
عنّي، و عَ توِجّ روحي
زِحام أوهام ماليني
بدعي اللهمّ ليني
يا همومي وهمَّليني
وبدال ما تاجي روحي
ليلاتي في المعاد ده
ينعاد عمري اللي عدّى
وألقى الماضي اللي عدّى
ع الحاضر يستَعَدّى
والحِزن في قلبي ناخرُه
والريح ناح فوق سطوحي
ويابوي ع الليل وآخره
لمَّن بتصحى جروحي
أدعي لله تعالى
تطفي شوقي وحنيني
يا فجر يا جاي تعالى
زيح حِمل تقيل حانيني
ليضيع كِنزي اللي داخرُه
ونوحي يا روحي نوحي
ويابوي ع الليل وآخره
لمَّن بتصحى جروحي”