“Իրարամերժ, հոգի ծվատող ու թևավորող զգացմունքների հորձանուտում կանգնած է նա և մարդկանց սեր ու գութ, խիղճ ու ազնվություն է բաժանում, և յուրաքանչյուր անձ կարող է գտնել իր հոգու փրկությունը, մխիթարությունը, իր բաժին ազնվությունը, իր կատարելության տենչանքը։ «Ամեն ոք իր մատյանն ունի իմ «Մատյանում»։ Ամենքինն է իմ «Մատյանը»։ Նրանցը, ովքեր կորցրել են իրենց աստծուն։ Ովքեր մերժել են իրենց աստծուն։ Ով-քեր կորցրել են իրենց հավատը։ Ովքեր մերժել են իրենց հավատը։ Ովքեր չեն հավատում ոչ հրեշտակին, ոչ սատանային, ում որ կյանքը նետել է շավղից դուրս։”