“جیسے کوئی آدمی گھر سے نکلے مسلسل سفر میں رھے پھر ایک دن اس کا گھر تمام تر نرمی وگرمی سمیٹے اسے اپنی پرسکون بانہوں میں لینے کے لئے تیار ہوتا ہے۔ایسی ہی مثال رمضان کے مہینے کی بھی ہے۔ سال کے باقی تمام مہینے بھاگم دوڑ میں گزار نے اور مادی اشیاء حاصلی کرنے کی تگ ودو کرنے کے بعد جب یہ مہینہ آتا ہے تو جیسے انسان یکا یک اپنے حقیقی قالب میں ڈھلنے لگاتا ہے۔ یوں لگتا ہے جیسے وہ دنیا کی ہر برائی ہر گندگی سے پاک ہو گیا ہو۔ مادی اشیاء سے ہٹ کر دل روحانیت کی طرف ہمکنے لگتا ہے۔ ویسا ہی سکون ملتا ہے جیسا اپنے اسلی گھر کو سامنے پاکر دل میں اترتا ہے۔”