“گوڵەکان دێن و دەڕۆن. دڕکەکان دێن و دەڕۆن. شادى دێت و دەڕوات. دڵتەنگى دێت و دەڕوات.
ئەو کەسەى ئەم یاسایە نەگۆڕە "گۆڕان لە گەردووندا" درک دەکات، ژیانی لە هەموو یاسا و سنوورێک ڕەها دەبێت.
ئەو کەسەى، دڵخۆشی و دڵتەنگى، هەردووکى، بە هێمنى قەبوڵ دەکات، بە دڵنیاییەوە ڕۆحى خۆى دۆزیوەتەوە – چونکە ئەمە بوونی ئاگایی پەیوەستنەبوون بە هەردوو دڵخۆشی و دڵتەنگییە، کە هێمنى و ئاشتى هزر بەرهەم دەهێنێت.”