“يوم فرحي" هوه اليوم التاريخي الوحيد أللي أنا أخترتة في حياتي على الأقل لغاية دلوقتي. أنا بقول كده عشان في أيام في حياتنا تاريخية أحنا ملناش يد فى أختيارها ذي يوم وصولنا الى الدنيا. يوم ميلادنا. وفى معظم الأحيان يوم رحيلنا منها. يوم وفاتنا. مش قادرة أنسى مليون علمات الأستفهام و التعجب و الصمت لمدة عشر ثوان على الأقل من كل الموجودين فى reception فيلتنا فى جاردن سيتي لما قلت لميزو حبيبي (معتز) أللي جية يتقدملي بصحبه والدة و والدته وفى بدايه فقره معطلات الزواج (فقره اللي ليكو و أللي علينا بين العائلتين) "أختار أنت الشبكه و الشقه و المهر وأنا هختار يوم الفرح ومكانو هيكون فيلتنا". فى نفس اليوم وقبل ما أقول فى التليفون "تصبح على خير يا حبيبي" ميزو حبيبي سألني "هوه أنتي عايزة نتجوز أمتى!" قلتلو "يوم الخميس".”