“مشيرة : سبحان الله .. زي ما درسنا في الدراما .. وحدة الضد .. حاجتين بعاد عن بعض .. يقربوا .. يصطدموا .. يتوحدوا .. يطلع منها حاجة تالتة
حسان : هي دي الحياة نفسها .. النهار يطلع من الليل .. الأبيض يطلع من الأسود .. ولما الشر يقوى يستفز الخيرين .. فيتمسكوا أكتر بالخير .. ولما الباطل ينتعش يخلي أصحاب العدل أكتر قوة .. آدي انتي شفتي بنفسك .. واحد جاي ينفذ مأمورية كراهية فطلع بقصة حب .. جاي يفرق بين اثنين جمع بين اثنين .. حتى الحياة والموت بعاد قوي عن بعض .. وقريبين قوي من بعض”