പ്രായം കുറയ്ക്കുന്ന മരുന്ന്
ഇതിലേക്ക് തന്നെ ഇങ്ങനെ നോക്കിയിരിക്കുമ്പോള് എനിക്കാ ബെല്ലടി കേള്ക്കാം... ഇന്റര്വെല്ലിനു തോല് പോയ മുട്ടില് നീറ്റല്... പാന്സിന്റെ ഇടത്തേ പോക്കറ്റില് ഓട്ടയുണ്ട്... വായില് മുന്നിരയിലെ പല്ലുകള്ക്ക് പുറകില് മുകളിലായി പല്ലിന്മേലൊട്ടി പറ്റിപ്പിടിച്ചിരിക്കുന്നു......
എത്ര എന്തൊക്കെ നേടിയാലും സമ്പാദിച്ചാലും സ്കൂള് ഫോട്ടോ സൂക്ഷിച്ചു വെയ്ക്കാത്തവന് എത്രയോ നിസ്സാരന് ആണ് സുഹൃത്തുക്കളേ... കാരണം ഇതൊരു മരുന്നാണ്... ഏതൊരാളുടെ ഫസ്റ്റ് എയ്ഡ് ബോക്സിലും ഉണ്ടായിരിക്കേണ്ട മരുന്ന്. വല്ലാതെ മടുക്കുമ്പോ ഇടയ്ക്കിങ്ങനെ ഇതെടുത്തു വെച്ച് നോക്കണം... അപ്പോള് കിട്ടുന്ന ഒരു സുഖമുണ്ട്... തലവേദനയ്ക്ക് ബാം തേയ്ക്കുന്ന പോലെ തലച്ചോറിലേക്ക് തണുപ്പ് മെല്ലെ കയറും. ടൈം മെഷീനിലെന്ന പോലെ നിമിഷങ്ങള്ക്കുള്ളില് പുറകോട്ടു പോയി, കാലം പോയപ്പോള് വന്നു ചേര്ന്ന കേടുകളില് നിന്ന് അല്പനേരത്തേക്ക് ആശ്വാസം നേടിക്കൊണ്ട് മനസും ശരീരവും ഇളയതാകുന്ന ഒരു കായകല്പ സുഖം. അങ്ങനെയൊരു ആശ്വാസത്തിന്റെ തണുപ്പില് ഇപ്പോള് ഞാന് തിരിച്ചറിയുന്നുണ്ട് ഫോട്ടോകളെ ഫംഗസുകള് കയ്യടക്കുന്നത് എന്തുകൊണ്ടാണെന്ന്... ഓര്മ്മകളുടെ തീരാത്ത വിശപ്പാണവറ്റകള്ക്ക്... നൊസ്റ്റാള്ജിയ ഇല്ലെങ്കില് മരിച്ചു പോകുന്ന പാവങ്ങള്...
NB: കക്കോടി പഞ്ചായത്ത് യു പി സ്കൂള് ഏഴാം ക്ലാസ്സ് ഡിവിഷന് B ഗ്രൂപ്പ് ഫോട്ടോ. നിറമുള്ള വരയന് കുപ്പായത്തില് ഞാന് :)
No comments have been added yet.
Jenith Kachappilly's Blog
- Jenith Kachappilly's profile
- 4 followers
Jenith Kachappilly isn't a Goodreads Author
(yet),
but they
do have a blog,
so here are some recent posts imported from
their feed.
