مذكرات مدرسة 6: توجيهي

وبعد ما اطمئنيت إلى إني رح أضل في مدرستي نفسها في المرحلة الثانوية، ألقى علي أهلي قنبلة في أحد أيام العطلة الصيفية وخبروني إنهم بدهم ينقلوني على مدرسة خاصة، وطبعاً كالعادة أنا ماليش رأي في الموضوع ومهما فعفطت واعترضت ورفضت بدي أنتقل يعني بدي أنتقل. وأنا مش عم بشكي على فكرة، بالعكس، الآن بالنظر إلى الوراء بشوف إنه هيك الصح، وإنه الأهل في مرحلة معينة من عمر أبناءهم لازم يتخذوا القرارات اللي بشوفوا إنه فيها مصلحتهم، لأنه المراهقين والأطفال إذا انتركوا لحالهم ممكن ياخدوا قرارات غبية وبس يكبروا يل...