هكذا الدنيا تفعل بأهلها.. فاحذروها

فيه حلقة في LOST بتحكي قصة (نيكي) و (باولو) وهم من الشخصيات الثانوية في المسلسل واللي كان ممكن دورهم يتحذف بدون ما يؤثر على الخط الدرامي ليه، ومع ذلك وجودهم أضاف حاجة للمسلسل.. (نيكي) و (باولو) قبل ما تتحطم الطيارة بيهم على الجزيرة قتلوا واحد وسرقوا منه لؤلؤ قيمته 8 مليون دولار.. بس الشنطة اللي فيها اللؤلؤ ضاعت منهم ع الجزيرة بعد الحادثة.. (باولو) لاحظ تغيير كبير في تصرفات (نيكي) بعد ما الشنطة ضاعت.. حس إنها مبتحبوش وإنها كانت بتستغله عشان يسرقوا اللؤلؤ مش أكتر عشان كده لما هيلاقيه هيخفيه عنه...