نصائح هامة ليوم 25 يناير

[image error]

1- قبل النزول:
وانت نازل خد معاك كوفيه او لاسة علشان تحميك من الغاز المسيل للدموع و من اى دخان، ألبس جاكيت اولا لأنك مش عارف الجو حيكون عامل ازاى فحيحميك من البرد ثانيا لأنه حيحميك من الطوب او اى حاجة تتحدف عليك، ياريت كمان تاخد شنطة ومن الأفضل متكونش كبيرة علشان لو حصل كر وفر تعرف تهرب وتجرى بيها، حط فيها مبلغ يشيلك لمده إسبوع على الاقل وحط فيها إثبات شخصية بطاقة او كارنيه كليه او كارنيه نادى علشان لاقدر الله لو حصلك حاجة وياريت نعرف حد من صحابك إنك نازل و خليك على تواصل معاه علشان لاقدر الله لو اتقبض عليك او حصلك حاجة يكون هو عارف علشان يبدأ يبلغ أهلك

2- الاعتقال:
 بالنسبة لو إتقبض عليك خلى خيار القبض عليك آخر حاجة .. حاول تجرى و تهرب.. من الذكاء الا تعتقل من الأساس، فى حالة التقفيل عليك و لا يوجد طريقة للهروب، استسلم حتى لا تصاب و يحصلك مكروه، اول ماتركب العربية لازم تفهم حاجة واحدة مهمة جدا .. ان فى جيش برة من المحامين و المنظمات و القنوات الفضائية هاتنقل الخبر و هاتدافععنك مهما يحصل، بلاش خوف و فزع اهم حاجة ضبط النفس و الهدوء فى الفترة الاولانية

3- البنات:
البنات من حقك تنزل ومن حقك تشاركى دة واجب وطنى بس علشان خاطر ربنا متورطيش شباب معاكى يعنى ابعدى عن منطقة الاشتباكات لأنك لو اتمسكتى حيطلع 20 شاب وراكى عايزين يهربوكى كلهم حيتقبض عليهم فخليكى بعيد عن الاشتباكات.

4- حدف الطوب:
بالنسبة للناس اللى حتبقى فى أول الصفوف بتحدف طوب يا تطلع تحدف قدام يا متحدفش من الأساس لأن النيران الصديقة فشختنا، وياريت تتقسم 3 صفوف صفين بيرموا طوب ورا بعض وصف وراهم بيكسرلهم الطوب

5- تأمين الشوارع الجانبية:
بصوا كل شارع جانبى حيقف فيه عشرة منهم 9 واقفين فى صف وواحد سريع واقف فى اول الصف السريع دة حيبان انه فريسة للبلطجية اللى الأمن حيجيبهم فحيطلعوا يجروا وراه فى الوقت دة حنبدأ نحدف طوب ولو عرفنا نسحب واحد منهم يبقى خير وبركة

6- التعامل مع الشرطة:
الامن المركزى الجديد صعب تتعامل معاه عن قرب بسبب لبسة ولكن لبسة دة حيكون حمل تقيل عليه لأنه تقيل فأحسن حاجة انك تجريه وراك وتسحبة وتعالى على اى مكان يتنط ونط (رصيف) و هو لو نط وراك حيقع، الزى الجديد بيمنعة من انه يبص وراه او يوطى على الارض فحاول يكون هدف طوبتك فى المكان دة يا أما فوقة يا اما على مستوى بطنه

7-  مكافحة المدرعة الجـديدة:
اولا : المدرعة محاطة بشبك عريان مش مدهون من كل الجهات متوصل بمولدات فولت عالى لصعق اى حد يلمسها .. الشبك معزول عن البودى بكاوتش علشان ميكهربش اللى جوه العربية
فيه سلك شايك على الشبك من بره يعنى حتى لو لابس جونتى ومسكت السلك الشايك هيخترق الجوانتى ويكهربك فورا
طرق المكافحة :
الطرق التقليدية القديمة : زى بوية على الأزاز الأمامى او بيض تعمى كل اللى بالداخل .. او بجنيه مسامير 10 سم صلب تجيب الكاوتشات على الأرض
طرق مكافحة الكهرباء :
1- اسلاك عريانة قصيرة على شكل حرف U : هتوصل الشبك المكهرب بالبودى هتكهرب كل اللى جوه وتبهدلهم
2- اسلاك طويلة عريانة براس خطاف : هتمسك فى الشبك من بره وتوصله بالأرض هتحرق المولدات فى 10 ثوانى و تحرق كهربة العربية كلها لو مش مستقلة عن المولدات
3- علشان تكهرب اللى جوه لازم تفسى الكاوتش بمسامير وتجيب الجنوط عالأرض وتلمس الشبك المكهرب مع البودى التيار هيمر من البودى للأرض وهيكهرب اللى جوه وممكن يفجر تانك البنزين اساسا
4- ازازة كولا اكشن او قولحة ذرة فى الشكمان هتسده وتكتم الموتور فيقف ويقف معاه المولدات فورا
5- رش مية بملح على البودى بشكل كبير هيوصل كهربا للبودى لمدة ثوانى ممكن يكهرب اللى جوه او يحرق المولدات
وسائل الأمــان :
لو لبست جزمة سيفتى (من شارع الجمهورية عند بتوع الأمن الصناعى) وجوانتيات تقيلة هتحميك من الكهــربا .. دى بتبقى مولدات تيار متردد فولت عالى لازم تكمل الدايرة وجسم يوصل تيار للأرض علشان تكهربك .. الجزمة السيفتى هتحميك تمامــا .. المهم متقفلش الدايرة مع الأرض

8- التعامل مع البلطجية:
البلطجى بطبعة جبان ف أوعى تحسسة انك خايف منه وأوعى تجرى لو جرى أثبت مكانك احدف طوب اعمل صوت يكون مثلا كلمة (هجوووووووووووم) بصوت عالى حيخاف ويجرى اوعى تجرى أنت لأنك كل ما تجرى حتكسبة أرض وحيقرب منك أكتر وأكتر.

9- التعامل مع قنابل الغاز:
قنابل الغاز الجديدة صعبة جدا غير قنابل 25 و 28 يناير خالص، فيه 5 طرق للتعامل معاها الطريقة الأولى شراء زجاجة شراب ميكو جيل المضاد للحموضة وخلطها بالماء بحيث يتم وضع ثلثين الكمية الموجودة بالزجاجة علي كمية من الماء توازي ثلث كمي الدواء و قوم بغسل وجهك جيدا بالتركية لتلافي أثار الغاز علي الوجهه والعينين، الطريقة التانية و هى الكوكاكولا بتضيع مفعولها فى نفس الوقت - الطريقة الثالثة و هى الخل بشرط تاخد بالك انك قافل عينك كويس ويكون مخفف لأنه تقيل - الطريقة الرابعة وهى ماية بخميرة و الطريقة الخامسة وهى البصل تاخد البصلة تفركها بأيدك وتشمها 
فى حالة انك اخدت اكبر كميه غاز أقرب مكان على جنب و أسف فى اللفظ رجع على طول، بالنسبة لمكان نزول القنبله اجرى فى عكس سير الهواء لأن الغاز حيبدأ يمشى مع الهواء

10- الناس اللى قاعدة فى البيوت:
ياريت أول طلب منكم تقفوا فى البلكونات تحدفوا للمتظاهرين مايه او أى فاكهة عندكم، والاهم بقى تفتحوا الواى فاى لأنه حيكون المصدر الوحيد للأحداث هو الانترنت زى ما انتوا عارفين الجزيرة قناه اخوانيه مش حتغطى الاحداث ولو غطيتها حتقول احتفالات والقناه الاولى والتانية واحدة حتشغل فيلم الرصاصة لا تزال فى جيبى والتانيه حتشغل فيلم جاءنا البيان التالي وتكتب عليه حصرى، فأرجوكم افتحوا الواى فاى

11- الفوتوجرافرز:
وما أكثرهم طلاما كل واحد عامل صفحة بأسمه يبقى من العيب ان يحصل حدث زى دة مش بيتكرر ومتنزلش تصور خد الكاميرا و انزل صور

12- شباب الموتوسيكلات:
وما أكثرهم برضو طلاما احنا مخدناش منك غير انك مشغل مهرجان ومصدع دماغ أبونا فخليك راجل يوم واحد بس وانزل علشان لو فيه ناس مصابة نلحق ننقذهم صدقنى انك كدة حتشارك فى الثورة !

13- الشعارات:
احنا مش نازلين نقول شوية شعارات ونمشى ولكن مهم اننا نقول الشعارات الصبح علشان نلهب حماس الناس، ياريت اللى حافظين شعارات يقفوا قدام ويريحوا بعض ودى مجموعة شعارات ممكن تتقال
1- أكتب على سور الزنزانة .. حكم المرشد عار وخيانة
2- اقفل ع الحرية الباب .. مرشد عار ورئيس كداب
3- اقفل ع الحرية النور .. مرشد عار ورئيس طرطور
4- أكتب على جدران البيت .. مرسى جاى بأزازة زيت
5- قالوا حرية وقالوا عدالة .. شوفنا خيانة وشوفنا ندالة
6- قالوا حرية وقالوا عدالة قالوا مرسى وراه رجالة البسوا اسود على الرجالة
7- اللى خانوا العهد بينا واستباحوا كل حاجة مستحيل حيكونوا منا احنا حاجة وهما حاجة
8- يحكى ان ولازم يحكى وكان يا مكان ان ولادنا ان بناتنا عملوا ثورة كالبركان جم العسكر نطوا عليها خذئوا عنيها عملم مع الاخوان والاتنين مالهوش امان .. العسكر ويا الاخوان
9- هو مرسى عايز ايه عايز الشعب يبوس رجليه لا يا مرسى مش حنبوس بكره عليك بالجزمة ندوس
10- جابر جيكا مات مقتول و مرسى هو المسؤل
11- جابر جيكا يا ولد .. دمك بيحرر بلد
12- جابر جيكا يا بطل .. دمك بيحرر وطن
13- بيع .. بيع .. بيع الثورة يا بديع
14- احلق دقنك .. شيل نضارتك .. بين عارك تلقى وشك وش مبارك
15- يا مبارك قول لمرسى الزنزانة بعد الكرسى
16- الدستور باطل .. والتأسيسية باطل .. ومحمد مرسى باطل حكم المرشد باطل .. مكتب ارشاد باطل.. خيرت الشاطر باطل .. صفوت حجازى باطل .. والبلتاجى باطل .. والعريان باطل.
17- عمر السجن ما غير فكره عمر القهر ما أخر بكره
18- يلا يا مصرى انزل من دارك حكم مرسى زى مبارك
19- حنفضل ثورجيه لحد ما نوصل للحرية
21- هما معاهم طيارات وولادنا يموتوا فى القطارات .. هما معاهم دبابات واحنا معانا الهتفات هما معاهم ضرب النار واحنا معانا اله جبار
22- ديكتاتور ديكتاتور ومحمد مرسى عليه الدور
23- يارب .. يا الله .. خد المرشد واللى معاه
24- دى بداية الغضب .. حنعلمهم الادب
25- قالوا حرية وقالوا قانون ورموا الثوار فى السجون
26- اكتب على سور الزنزانة حبس الثوار عار وخيانة
27- على فى سور السجن وعلى بكرة الثورة تشيل ما تخلى
28- قولوا للسلطة تلم كلابها ثورة مصر فى ايد شاببها
29- محمد مرسي يا ابن سنيه لم كلابك فى الداخلية .. قالوا رحيله حيعمل أزمة طب أرحل أرحل يا ابن الجزمة .. قالوا رحيله حيعمل حرب طب أرحل أرحل يا ابن الكلب.
30- حركة وطنية واحدة ضد السلطة اللي بتدبحنا
31- ارفع راسك فوق انت مصرى انزل شيل الكلب اللى اسمه مرسى
32- الشعب يريد اسقاط النظام
32- عيش .. حرية .. عدالة أجتماعية .. كرامه انسانية
33- احبس اضرب اقتل فينا كل رصاصة بتقوينا
34- اضرب غـــاز و اضرب رصـاص احنا مش بنخاف خلاص