10 أنشطة أول ما تصحى هتخلي صباحك أحلى

10  أنشطة أول ما تصحى

هتخلي صباحك أحلى

1

أغنية منبه تفوقك

 

اختار نغمة منبه محفزة بتحبها جدا .أغنية بتخليك فرحان نشط بتفوقك, أسمعها وقوم في ساعتها وغني معاها

أنا هرشحلك حاجات ودور انت في اغانيك:

https://soundcloud.com/13461843user/08-efred-gena7ak

https://soundcloud.com/soundofbdroom/hip-hop-project-el-de7ka-3omla

2

دوّري ع الشمس

افتحي الشباك , اطلعي بره الاوضة, دوّري على احسن موقع تشوفي فيه الشمس, واقعدي كده دقيقتين بس بتحاولي تبصليها وتبتسمي , والاغنية لسه شغاله

3

العب اي تمرين

حرّك جسمك, سترتش سويدي ضغط بطن, اجري في مكانك, اي تمرين خفيف , 5 دقائق, لو هتطلع تجري تبقى برنس, ويا سلام لو كان في الشمس

4

ارفق بهم

قدمي لحد عايش معاكي/جنبيكي حاجة يحبها, مساج لجوزك ! بوسة على خد ابنك! عصير فريش لماما, حلويات من بتاعت امبارح لجارتك, حاجة كده حب من غير داع

5

خدلك  دش

مياه سخنة, ميطولش, يا سلام لو تسمع العالم صوتك وانت بتغني تحت الدش, حاول تفكر اوتفتكر  حاجات ايجابية بس

6

وضبّي أوضتك

المكان اللي كنتي نائمه فيه, حاولي ترتبيه, هتجيلك راحه نفسيه بس لو تخلصتي من حاجة ملهاش لازمة, او رجعتي حاجة لمكانها, لو طبقتي هدوم, او وضبتي سريرك, خلي المكان شكله حلو

7

شغل تراك الصبح

لازم تعمل تراك-ليست , قائمة أغاني, كده بتاعت الصبح بس, كوليكشن اغاني مبهجة ومفرحة, على ساوندكلاود على الموبايل, الكومبيوتر, اقعد جمعها كده على وراقة, رتمها يكون نشيط وكلامها ايجابي

ديه القائمة بتاعتي

https://soundcloud.com/ahmed-feky/sets/1-happy

8

اشكري شخص ما

دوّري على اي شخص حواليكي, م البيت, صاحبتك, زميلك, وحاولي توصليلهم شفهيا ولا كتابة كلمة شكر, مسج موبايل ولا فايسبوك, حتى لو مقدرتيش توصليها للشخص اكتبيها على الاقل في ورقة وخليها معاكّي , اشعري بالامتنان لحد عملك حاجة حلوة في حياتك

9

مذكراتك الشخصية

لو معندكش حاول تبدأ واحدة, الحاجات ديه مش للمراهقين والعالم الفاضية بس ! , شئ ايجابي كده انك تكتب

افكارك كل فترة , على الاقل اكتب الصبح حاجة, طلع افكارك سلبي او ايجابي, خطط او تعليقات , فرّغ مخك تماما لمدة 5 دقائق على الورق, هتحس بفرق كبير لو داومت على النشاط ده كل صبح

10

ابعدي عن …

حاولي قد ما تقدري اول ساعة او نصف ساعة تبعدي عن  نشرة الاخبار ! , النيوز فيد بتاع الفايسبوك ! , الايميلات ومكالمات الموبايل ! متخليش حاجة تفسد عليكي روتين يومك الجديد من بره, كافحي الاقتحام ده لحياتك

جرّبي شوية من دول …. بداية كويسة ليومك هتفرق كثير …. نصيحة مجرب

ممكن نختم بالتراك ده بقى في اخر الروتين الصباحي

https://soundcloud.com/lama-dalbah/n9hpw6fjydcv

انت جميل وانتي جميلة, صباحكم زي الفل :)