PRPB with Janus Silang

Noong Sabado, 24 Mayo 2014, nagpunta kami ni Poy sa book discussion ng PRPB tungkol sa Janus Silang, ang pinakabagong YA novel sa wikang Filipino sa Fully Booked SM North. Naroon din ang author, si Sir Egay Samar.

doon na kami bumili ng aklat. ang ibang members ng book club namin, ang Pinoy Reads Pinoy Books (PRPB) ay binigyan ng aklat ng publisher na Adarna House para mabasa nila ito nang mas maaga, bago mag-book discussion.

naghanda ng ilang tanong si Doni Oliveros, ang aming moderator at founder. bago mag-umpisa ay ipinakilala muna niya ang PRPB dahil may mga participant ng book discussion na hindi pa member ng PRPB.

ang mga tanong ay nakasulat sa papel na nakabilot at nakalagay sa loob ng isang bote ng mineral. tapos bawat isa (na nakabasa ng nobela) ay bubunot ng tanong. kapag hindi niya ito masagot nang kumpleto, puwedeng tumulong ang sinuman na nakakaalam ng kumpletong sagot.

walang consequence para sa mga hindi makasagot at kalahati lang ang sagot (merong gumawa nito haahaha), pero wala rin namang premyo para sa mga sumali sa discussion. premyo na kasing maituturing na kasama namin ang author that afternoon! aaaat binigyan din kami ng libreng bag ng adarna, hehe!

kahit hindi pa namin nababasa ang Janus, nag-enjoy kami ni poy sa discussion. maraming nilalang mula sa philippine mythology ang nabanggit: tiyanak, berberoka at iba pa.

kaya naamn excited na akong umpisahan ang nobela.