القبول

كلميني عن شيطانك

عن مخاوفك

كلميني عن عيوبك

عن ماضيكي

وعن أي حاجة مش حابها فيكي

كلميني عن وساوسك

عن قلقك قبل نومك

كلميني عن كابوس

بينغص عليكي يومك

وعن أي حاجة مدفونة جوا فيكي

كلميني عن مشاكلك

ف الطفولة

عن حلم سرق أيامك

وصل لنهاية مقفولة

كلميني

ماتخافيش

ف كل شيء خايفة اعرفه

وأعرفي إننا

طول ما نفضل (إحنا) حل

كلميني وأوعدك

-لو قلتي إيه-

حبي عمره ما يوم يقل!

عبد الحميد عبد اللطيف