التهمة ثابتة عليك ياعلاء

مش بسأل نفسي إن كان بردان ولا دفيان
سجانه جبان
وإذا حبسه ف قمقم زي الجان
الحُر لا يوم ابدا يتهان
ولاتحبسه يوم ابدا قضبان
الفكرة دايما ياحضرات
مايهزمهاش إنسان
****
وعلاء مسجون تهمته حرية
وجريمته ثابتة..ومعروفة
بينادي.. عدالة إجتماعية
وشهود الإثبات حاضرين
جنرال سفاح وحكومة غبية
الحق في دولتهم ممنوع
والحرية فيها قضية
****
والجنرال دايما مشغول مهموم
على كتفه ليه..مطفية نجوم
ونسره ليه باين مقسوم
بمقص الكتف صباح اليوم
ومرايته غبية ونفرية
لما سألها مين هو الأحلى
ردت قالت
المسجون المظلوم
*****
قلبي معاك ياعلاء في البرد
بس أنت قدرك زي الورد
ميطيقش ظلام خيم ع الأرض
وف دولة حكم الفرد
وعبادته وكأنها فرض
مالكش مكان غير جوه السجن
حيبقى أمان