معاكسة

وضاع الشعر في وصف جمال البدر
ولا في ألوان ليلة تسلم السما للفجر
ولا بحر وسيع عدد ألوانه كليلة القدر
 مفيش أجمل من قوام ساحر
رموش قادرة..عيون تدبح
شفايف وردي..صوت يضوي
مخلقش الله أجمل من المرأة
وضع فيها عجيب خلقه
وأهداها كل السحر
*****
كده الأنثى قصيدة شعر رباني
وروحها توصل المعنى
ملامحها في اللقا معاني
وضحكتها كما القافية
بتنهي بيت حزننا الجاني
ونتنطط كما الأطفال
نعيد ونزيد فيها من تاني
******
مفيش أجمل من المرأة ولا مخلوق
ومهما كان الاختلاف في الذوق
قصاد ست حلوة كلنا نسبح
نقول : الله
تهون الدنيا كده وتروق