مشاركتي البحثية في مؤتمر أدباء مصر

أول مرة أقدم بحث في مؤتمر في حياتي كنت في سنة تانية في كلية آداب إعلام
كان المؤتمر الإقليمي الأول لجامعة أسيوط وكان عنوانه #مواجهة_المشكلة_السكانية_في_صعيد_مصر
قدمت فيه بحث مع صديقتي #مي_عبد_الحفيظ (اللي بتحضر الدكتوراه دلوقتي وربنا يوفقها يا رب) بعنوان #القضية_السكانية_وعلاقتها_بقضية_الفقر (دراسة تحليلية)
واللي أشرف على خطوات البحث كلها والتدريب على تقديمه على منصة جامعية في مؤتمر جامعي كبير ودربنا على التحضسر وتقديم البريزنتيشن وعرض البحث قدام جمهور كانت دكتورتنا الجميلة #ماجدة_محمد_عبد_الباقي اللي فعلياً كانت من محاضراتها من أمتع المحاضرات اللي كنا بنحضرها في الكلية وكانت بتبقى مليانة تفاعل وحيوية
وهي اللي بتشرف على رسالتي للماجستير دلوقتي وبستفيد منها كتير وبالها طويل أوي معايا ومستحملاني
ملحوظة: ده مش مجاملة عشان هي مشرفتي والله دي الحقيقة فعلاً، ولولا جهودها معانا زمان ودلوقتي يمكن كانت اللحظة دي متبقاش موجودة أبداً
النهاردة بعد سنين من تقديم أول بحث ليا وأنا لسة طالبة في الجامعة في مؤتمر جامعي على مستوى إقليمي صغير وصلت إني أقدم بحث في #مؤتمر_أدباء_مصر على مستوى مصر كلها وبحثي يتحكم ويتقبل علمياً من أكاديمية الفنون وأنافس بيه أكاديميين ودكاترة جامعيين وأخد درجة أعلى منهم
وإن شاء الله المرة الجاية هيكون بحثي في مؤتمر دولي على مستوى العالم كله
بس أتمنى إن المرة الجاية دي متكونس بعد سنين تانية قد اللي فاتت بين البحثين يعني 😁

#إنجازاتي
#صفحات_من_حياتي
#سارة_الليثي