அனுமன் காத்திருக்கின்றான் மின்முரசு அதிர

அனுமன் திருக்கோவில்

முக்கால்வாசி மூடிய வாசல்முன்
பத்திருபது பக்தர்கள் காத்திருப்பர்;
குளிக்காத, ஷார்ட்ஸ் அணிந்த
கான்வாஸ் ஷூ கழற்றாத
இன்னும் பலர் என்போல
வெளிவாசல் நின்று
உள்நோக்கிக் காத்திருப்போம்;

திருத்துழாயும் உலர்ந்த திராட்சை
தட்டுமாக கோயிலர்கள்
மணியடிக்கக் காத்திருப்பர்;

மடைப்பள்ளி நைவேத்யம்
வெண்பொங்கல் பொங்கிவர
அனுமன் காத்திருப்பார்

இன்றைய காத்திருப்பு
இத்துடன் முடிய
மின்சார முரசு முழங்குது கேள்.