மகன்றில் களவு 8

அரக்கு நிற டாமி ஹில்ஃபிகர் சட்டையினுள் முகம் புதைத்திட

கூந்தல் கற்றையைப் பற்றிய விரல்கள்

பின்கழுத்தில் முன்பு அழுத்திய இதழின் லிப்ஸ்டிக் தடம்

அன்பின் அழுத்தமெனப் பதிந்தது

பதிலுக்கு அன்பைப் பகிர்ந்திட

அவளது இடத்தோளில் உகிர்த்தடம்

யாருமில்லை தானே கள்வனென

சுவரோர நிலைக்கண்ணாடி

இன்னும் எத்தனை காலம் இப்படி இறுக்கி 

தவம் செய்வாயென முத்தமிட்டுத் தட்டிவிட்டாள்

திரும்பி நோக்காது நடந்தாள் 

இன்னும் அவன் இதயத்துடிப்பு கேட்கின்றது

- வெண்பா கீதாயன்