ഇതള്‍
ഒരുപാട് നാളുകൾക്ക് ശേഷമാണ് KSRTC ബസ്സിൽ ഇതുപോലെയൊരു യാത്ര. റീന കാറ്റത്ത് പാറി പറന്ന മുടിയിഴകൾ ഒതുക്കി ബസ്സിന്റെ സൈഡ് സീറ്റിൽ, വഴിയരികിലെ കാഴ്ചകളിൽ ലയിച്ചിരുന്നു.
കോളേജിൽ കൂടെ പഠിച്ച സുഹൃത്തുക്കൾ ഒരു ഗെറ്റ് ടുഗെദർ വെച്ചപ്പോൾ ആദ്യം വരാൻ താല്പര്യം തോന്നിയില്ല. കാരണം പഴയ കൂട്ടുകാരുമായി ഇപ്പോൾ വലിയ അടുപ്പമൊന്നുമില്ല. എങ്കിലും, പെട്ടന്ന് ഏതോ ഒരു നിമിഷം തോന്നി പോകണമെന്ന്.
അഷ്ടമുടിക്കായലിനോട് ചേർന്നുകിടക്കുന്ന ഒരു റിസോർട്ടിൽ രണ്ട് പകലും ഒരു രാത്രിയും. വീട്ടുകാരോട് പറഞ്ഞപ്പോൾ കൊന്നില്ലയെന്നെ ഉള്ളു.
രാത്രിയിൽ വിദേശത്തു നിന്ന് പതിവ് പോലെ വരാറുള്ളു ഭർത്താവിന്റെ ഫോൺ കോളിനിടയിൽ വിഷയം അവതരിപ്പിച്ചു.
No comments have been added yet.
