100 dae van inperking: Wilma Conradie

[image error]



Ouderdom: 40
Beroep: Boervrou
Huwelikstatus: Getroud
Waar woon jy? Noordwes … Biesiesvlei
Alleen? Wie saam met jou? Bly op ‘n plaas saam met my man en drie kinders.

In watter opsig(te) beskou jy jou situasie tydens inperking as uniek of besonder uitdagend? Ons situasie tydens inperking is besonder uitdagend … boerdery gaan aan soos gewoon … Dis ‘n uitdaging om werkers te vervoer … Om voer te koop/verkoop van produkte is uiters frustrerend.
Hoe het jy gevoel toe die noodtoestand afgekondig is? Ek was geskok toe die noodtoestand aangekondig is … bang vir die onbekende.
Hoe het jy gevoel toe algehele inperking (vlak 5) afgekondig is? Verward/moedeloos
Hoe het jy die drie dae direk voor inperking deurgebring? Gespook om nodige permitte/maskers en sanitasier vir werkers/boerdery te kry.
Hoe het jou lewe met inperking op vlak 5 verander? Kinders se skool gesluit … verder dieselfde as voorheen.
Wat was die moeilikste tydens vlak 5? Om positief te bly voor die kinders.
Wat is vir jou positief tydens vlak 5? Niks
Hoe het die mense gevaar wat saam met jou ingeperk was? Ons gesin het aangegaan soos voorheen … meestal positief.
Hoe het jy die verlenging van vlak 5 ervaar? Ek het dit verwag.
Wat het jy die meeste gemis op vlak 5? Om vrylik asem te haal sonder ‘n masker.
Hoe het die verandering na vlak 4 jou geraak? Niks geraak nie.
Waaroor was jy bly met die verlaging na vlak 4? Geen verskil gemaak nie.
Waaroor was jy kwaad met die verlaging na vlak 4? Dit het nie sin gemaak dat mens steeds nie jou afgetrede ouers kan besoek nie.
Is jy iemand wat voor inperking gereeld geoefen het? Nee
Het jy tydens vlak 5 geoefen? Nee
Hoe het jy die drie ure oefentyd op vlak 4 ervaar? Dit het my nie geraak nie.
Hoe het die verlaging na vlak 3 jou geraak? Ons kon uiteindelik die kar se windskerm vervang (het tarentaal getref op vlak 5 van inperking).
Waaroor was jy bly toe vlak 3 aanbreek? Dit was makliker om vee te vervoer vir veilings.
Waaroor was jy kwaad toe vlak 3 aanbreek? Dat ons steeds die maskers moet dra.
Hoe vaar jy op hierdie stadium (na 100 dae) oor die algemeen emosioneel? Moedeloos … Ek voel dis belaglik om skole te open terwyl getalle steeds so baie styg.
Is jy finansieel erg geraak? Ja, finansieel baie verlies gely.
Wat is nou vir jou die moeilikste? Om te kyk hoe my kinders terug skool toe gaan … heeltemal blootgestel.
Wat kan jy uit die ervaring haal wat positief is? Ons is nog almal gesond.
Bly jy op datum met die Covid 19-situasie in SA? Redelik
Deur watter medium? Hoe gereeld kyk/luister jy na nuus oor Covid 19? Kyk nuus op TV/sosiale media.
Hoe beïnvloed die voortdurende nuus oor die virus jou emosioneel? Dit maak my angstig as getalle bly styg.
Bly jy op hoogte van die oorsese situasie? Nie regtig nie.
Is daar spesifieke lande waarin jy belangstel? Nee
Hoe beïnvloed die stygende sterftesyfer in SA jou? Dit maak my bekommerd dat skole steeds oop is.
Wat sou jy anders doen as jy nou die ervaring van vooraf kon begin? Ek sou nie regtig iets anders kon doen nie.
Wat sal jy presies dieselfde doen as jy van vooraf kon begin? Ek sal steeds vir ons werkers daagliks genoegsame vitamines gee.
Ken jy iemand wat Covid 19 opgedoen en herstel het? Ja … baie mense
Het iemand na aan jou al aan Covid 19 gesterf? Nee … maar amper … was baie siek.