Tera Intzaar Punjabi Poetry by Ranjot Singh

*ਤੇਰਾ ਇੰਤਜ਼ਾਰ*

ਪਹਿਲਾਂ ਕਾਂ ਬੋਲੇ ਬਨੇਰੇ ਤੇ
ਹੁਣ ਘੁੱਗੀਆਂ ਵੀ ਬੋਲਣ ਲੱਗੀਆਂ ਨੇ
ਤੇਰੇ ਆਉਣ ਦਾ ਮੈਨੂੰ ਪਤਾ ਲੱਗਾ
ਤਾਹੀਂ ਠੰਡੀਆਂ ਹਵਾਵਾਂ ਵਗੀਆਂ ਨੇ

ਮੈਂ ਮੁੜ-ਮੁੜ ਗਲੀ ਚ ਜਾਂਦਾ ਹਾਂ
ਜਦ ਵੀ ਅਵਾਜ਼ ਕੋਈ ਆਉਂਦੀ ਏ
ਤੂੰ ਜਲਦੀ ਆਉਣਾ ਘਰ ਸਾਡੇ
ਮੈਨੂੰ ਮਹਿਕ ਪਿਆਰ ਦੀ ਸਤਾਉਂਦੀ ਏ

ਉਹ ਦਿਨ ਹੋਣਾ ਸਰਗੀ ਵਰਗਾ
ਉਸ ਰਾਤ ਵੀ ਸੂਰਜ ਚੜ੍ਹ ਜਾਣਾ
ਜਦ ਤੂੰ ਆਏਂਗੀ ਬੂਹੇ ਤੇ
ਮੇਰਾ ਸੀਨਾ ਠਰ ਜਾਣਾ

ਮੇਰੇ ਬੁੱਲਾਂ ਤੇ ਸਮਾਈਲ ਵੀ ਆ ਜਾਣੀ
ਤੇਰਾ ਚੇਹਰਾ ਵੀ ਮੁਸਕਰਾ ਜਾਣਾ
ਤੂੰ ਮਿਲੀਂ ਮੈਨੂੰ ਲੱਗ ਸੀਨੇ ਦੇ
ਮੈਂ ਤੇਰੇ ਵਿੱਚ ਸਮਾ ਜਾਣਾ

Poetry Name: Tera Intzaar
Language: Punjabi
Writer.Poet: Ranjot Singh
Published book Name: Running Water (Wagdee Paani)