الجزء الثاني إيميونتي

Sep 19, 2019 11:36AM
Ahmed Elhosary موقع اختطاف رئيس وزراء ديمتيدو
غرفه مظلمه لا يظهر منها سوى الخوف والوحشة ولا يوجد بها سوى

صوت سقوط قطرات مياه على الارض
مما يزيد من توتر تيسير بالفعل طريقة مخابراتيه قد عفي
عليها الزمن ولكن من الواضح أن الضيف ليس بالرقي الذي
يستخدم معه أحدث الأساليب

الجالس على كرسى فى منتصف الغرفه

مكتوف اليدين والقدمين

وجهه غريق فى بحور من العرق الذى يتساقط على بدلته

الأنيقة وعقلة الشارد بين من فعلها وأين أنا وجميع اساليب الاستفهام منذ بداية الخليقة

ومستمر فى صراخه

انا فين انا فين

حد يرد عليا حد يرد عليا

حد يعرفنى ايه اللى بيحصل هنا

ينظر يمينا ويسارا فى محاوله لرؤيه اى شئ خلال الظلام القامع

حوله

ولكن بلا جدوى

حتى سمع سؤالا موجها اليه

كنت بتعمل ايه فى دومينادور

يسمع تيسير الصوت وكانه خارج من سماعات حوله

سماعات معلقه بجدران الغرفه من حوله

وما كان من تيسير سوى الاستفسار عن هويه الشخص الذى يحدثه

انت مين؟ انت مين؟

رد عليا

انت مين؟

وانا هنا فين؟

استمر تيسير فى الصراخ

محاولا لايجاد اى اجابه ولكنه لا يجد سوى سؤالا واحدا موجها اليه

كنت بتعمل ايه فى دومينادور؟

تغيرت نبره تيسير الى التهديد

اللى انت بتعمله ده غلط كبير وهتدفع تمنه غالى اوى

ولكن بلا فائده ولا يتكرر سوى نفس السؤال

كنت فى دومينادور بتعمل ايه

ازداد توتر تيسير وتعالى صراخه

انا فين؟ رد عليا انا فين؟

ارجوك ريحنى انا تعبان مش قادر

مادام تعبان يبقى تجاوب على السؤال عشان ترتاح وتريحنا احنا كمان

كنت فى دومينادور بتعمل ايه؟

كنت بزور صديق ليا

شوفت بقى يا تيسير انك اللى مش عاوز تريح نفسك

صدقنى كنت بزور صديق ليا هنا

يعنى مكنتش فى لقاء سرى مع مدير مخابرات دومينادور

نزار ابراهيم

الكلام ده مش حقيقي وده محصلشى محصلشى

شكلك كده ياتيسير متعود على الكذب كتير

صدقنى انا مش بكدب عليك

طب ايه رايك بقى فى الصوره دى

وظهرت صوره على الجدار يجلس فيها تيسير مع نزار

مازال تيسير ينظرالى الصوره مندهشا من كيفيه عثورهم على هذه الصوره

فلا احد يعلم شيئا عن هذا اللقاء فلقد كان لقاءا سريا

بس دى صوره قديمه وبعدين دى كانت مقابله عاديه وبالصدفه كمان

انت كده مصمم انك تفضل هنا لحد ما تعفن ومفيش مخلوق هيعرف يوصلك ولا ينجدك

فلازم تقولنا ايه اللى كنت بتعمله مع نزار

وايه اللى انتم اتفقتم عليه

انا هسيبك دلوقتى وهرجعلك تانى تكون فكرت كويس

سلام

استنى متسبنيش كده

ارجوك متسبنيش كده

حد يجى يفكنى

رد عليا انت رحت فين رد عليا

حاول تيسير الوقوف ولكنه يقع ويرتطم وجهه بالارض

ما اشبه الليله بالبارحه

السير بين الجنود والاسلحه داخل الكتيبه والتناوب على اداء

الخدمه بكل حماسه

فقد قضيت عاما فقط من عمرى اؤدى واجبى الوطنى كجندى فى خدمه بلادى

وكم تمنيت ان تكون ان اظل عمرى كله فى هذه الخدمه وليس عاما فقط

حتى اظل محتفظا بهذا الفخر والشرف

وها انا الان اسير وسط الجنود والاسلحه ولكنى لست داخل الكتيبه

وليس لدى نفس الشعور

فلازالت احارب ولكن ليس العدو بل الخوف الذى بداخلى

دخلت الغرفه واغلقت الباب خلفى حتى رايت شخصين مر عليهما

عشرون عاما خلال ساعه واحده

فالخوف يفعل اكثر من ذلك وبالاخص عندما يكون على اعز ما نملك فى الحياه الاهل والاحباب

فلا احد يتخيل مدى صعوبه العيش بدونهم ولا يتصور مدى

الالم

بفقدانهم اكثر منى

لانى انا من تذوقت هذه المراره من قبل

وسوف اخوض التحدى مع نفسى حتى لا اسمح بحدوث هذا مره اخرى

مازالت اتلاعب بعملتى التى طالما تساعدنى بازاله التوتر عنى وبدات اتقدم خطوات نحوهم

الحقنا يادكتورسليم

اهدى بس يا احمد

هى الناس دى عاوزه مننا ايه

يا احمد اسمعنى واهدى

نهدى بس ازاى واهلنا متكتفين قدام عينينا ومش قادرين نساعدهم ولا حتى عارفين ايه اللى هيحصلهم او هيحصلنا

قالها حلمى ناظرا من شباك الغرفه على اهاليهم وهم مكتوفى الايدى والجنود حولهم من كل مكان موجهين السلاح الى روؤسهم

ايوه لازم نهدى

ونفكر كويس كمان

وهما اصلا عاملين كده ليه

ما هو عشان منعرفش نفكر ونفضل متوترين وتفضل صوره اهلنا قدام عينينا كده

فنفضل خايفين وتفكيرنا يفضل مشلول

صدقونى انا حاسس بيكم اوى وعارف يعنى ايه زوجه وابن

طب انتم عارفين زمان لما الواحد كان لسه صغير كنت لسه حتى

مدخلتش المدرسه

كنت بصحى بدرى وافضل مستنى بابا على باب البيت عشان بس

اشوفه قبل ما يروح الشغل

وكنت بقعد اقوله اقعد معايا شويه النهارده عشان بس نلعب مع

بعض

كان بيقولى مينفعش يا سليم بابا لازم يروح الشغل عشان يجيب فلوس وعشان تعرف تجيب حاجه حلوه

كنت بقوله انا مش عاوز فلوس ولا عاوز حاجه حلوه انا عاوزك انت

بس كان بيضحك عليا بكلامه

وانا ببراءه الاطفال كنت بصدقه واقوله ماشى

بس ما تتاخرش عليا فكان بيبوسنى على خدى وياخدنى فى حضنه وبعدين يمشى

الحضن كان عندى بالدنيا وما فيها

وقبل ما يجى معاد رجوعه افضل برضه مستنيه قدام البيت كان فعلا بيوحشنى اوى

ما انا كنت بحبه جدا

ومرت الايام وكبرت واتجوزت وخلفت ابنى حبيبي ومكنش فيه اى حاجه فى الدنيا تساوى حبه فى قلبى

كنت متعلق بيه جدا واما كنت اسيبه واروح الشغل كنت افضل اعد فى الثوانى لحد ما ارجع تانى البيت واخده فى حضنى

وبقيت انا اللى زى العيل الصغير مش هو

واكتشفت اننا برضه بنكون محتاجين ولادنا اكتر بكتير من احتياجهم هما لينا

واما راح منى عرفت معنى يعنى ايه الواحد يكون عايش فى مرار

يكون عايش من غير فرحه فى حياته

عايش بس من جواه ميت

كان اسوا احساس فى الدنيا

ومش عاوزكم تعيشوا الاحساس ده ابدا

وعشان كده بقولكم نهدى ونفكر كويس عشان نعرف نخرج كلنا بخير من هنا

اول مره اعرف ان كان عندك ابن احنا منعرفش اساسا انك متجوز

قالها حلمى مستغربا

طب ايه اللى حصلهم ومراتك فين اصلا

بعدين يا احمد مش وقته دلوقتى

ده موضوع طويل بس اكيد هكيه ليكم بعد ما نخلص من الورطه دى

طب هنخلص منها ازاى بس؟

قالها احمد وهو يقترب بالكرسى منى

هما دلوقتى عاوزين تيسير رئيس وزراء ديمتيدو هو ده بس طلبهم الوحيد

ومعندهمش اى طلبات تانيه

طب ايه العلاقه

علاقه ايه يا حلمى

علاقه تيسير بدومينادور

فى الحقيقه مش عارف يا حلمى

مش دى القضيه يا جماعه

القضيه ان لو طلع تيسير مش عندنا او عندنا ومرضيوش يرجعوا

احنا هيبقى موقفنا ايه وهنتصرف ازاى؟

كلامك مظبوط يا احمد ده فعلا اللى لازم نفكر فيه لاننا دلوقتى تحت ايديهم

وهتبقى مشكله كبيره لو الموضوع دخل فيه العند

فتح نادر الباب ودخل مقاطعا لكلامى

العند وحش اوى ياسليم ده حتى بيولد الكفر

اسف طبعا انى قاطعت كلامكم بس للاسف مفيش وقت ولازم نبدا الشغل

وافتكر ان سليم شرحلكم الموقف كويس بس احب ازود على كلامه جزئيه صغيره خالص

فى حاله ان العند موجود وطلباتنا متنفذتش فيه واحد هيموت كل نص ساعه

ازداد الخوف بداخلنا ولم يستطع اى منا التفوه باى كلمه واكتفينا بالنظر الى بعضنا البعض

وصدقونى انى بتمنى اكتر منكم اننا منوصلش للمرحله دى

يبدو اننى لن استطيع تجاوز هذه المشكله الابديه فكم اتمنى الا ادخل فى معركه مروريه اثناء ذهابى الى الجامعه

جامعه جامعه جامعه جامعه

بهذه الكلمات المتواترة على الاذن وبصوت عذب يقارب ناعور عربه من السبعينات يتم البدء فى عزف السيمفونيه

وبالفعل اخذت اهرول نحو العربه

حتى اننى انتهيت من نصف الطريق تقريبا وانا احاول اللحاق بها وبالفعل وبفضل الله والاراده التى بداخلى استطعت اجتياز

جميع الصعاب ولحقت بها

وبهذا فقد تمت نصف المهمه بنجاح

وبدات فى اجتياز نصف المهمه الثانى

وحاولت ان اشغل حيز من الفراغ داخلها

ولكن لم يحالفنى الحظ فقمت باحتضان الباب وكانه حبيب غائب عنى منذ سنوات

وبعد عده دقائق ومع السيوله المروريه استطعت الوصول الى

الجامعه

حيث انها الفرصه الاخيره التى منحتنى استاذتى اياها للوقوف على موضوع الماجستير فى قسم المناعه

فقد حاولت مرارا وتكرارا اختيار موضوع وفكره جديده استطيع بها

الربط بين المناعه والكبد

ذلك العضو الذى الم به ما الم فهو القناه الرابطه بين جميع الاعضاء ولكن ظهر الفساد فى البر والبحر

كما قال رب العزه

فاصبح الطعام يسقى بالمياه المغذاه بصرف المصانع كما لو كانت فيتامينات تضاف لنا

وللمحافظه على الاطعمه من الحشرات والافات ترش بالمبيدات

التى لها الفضل ثم الفضل الكبير فى اتسبب بامراض الكبد

ولا احدثكم سرا عن فيروس سى

بدا تيسير يشعر بصوت خطوات هادئه تتقدم نحوه

ولكنه لم يستطع النظر اليه او حتى فتح عينيه التى اصبحت مغطاه بالدماء من اثر السقوط على الارض

توقفت الخطوات وجلس صاحبها واصبحت قدماه امام وجه تسير مباشره

سبحان المعز المذل

شوف يااخى تيسير الدمنهورى بقوته وجبروته نايم تحت رجلى

زى الكلب

لا حول له ولا قوه

يقاوم تيسير نفسه ويزحف بارض الغرفه حتى تمكن ان يتكا بظهره على جدرانها

محاولا مسح الدماء من على وجهه

انا عارف انى معاملتنا ليك كويسه مع انك متستاهلش

وشكلها كده مش جايبه اى نتيجه معاك مع ان اللى احنا طالبينه مش صعب

بالعكس دى حاجه بسيطه جدا

دقق تيسير النظر فى وجه هذا الرجل وبدا انه يعرفه جيدا

انت كده بتولع الدنيا وبتتسبب فى حرب من تانى يا منير

مع انك متستاهلش يا تيسير ان حرب تقوم علشانك بس برضه بايديك تمنعها

صدقنى انا معنديش حاجه اقولها

ومفيش اى حاجه بنعملها ليها علاقه ببريدادور

ما انا عارف انك معندكش حاجه

وعشان كده قلتلهم نقتله ونخلص منه ده مش هيفيدنا باى حاجه

بس هما بقى اللى مصممين يحاولوا معاك ويدوك فرصه اخيره

يمكن يكون ليك لازمه ونقدر نستفيد منك

مفيش اى حاجه بينى وبين نزار تهمكم

ده بقى احنا اللى نحدده

ونقول اذا كان يهمنا ولا لا وخصوصا

اما تكونوا عاوزين تعمله قنبله نوويه

نظر تيسير الى منير باستغراب وذهول من كلامه

قنبله ايه!!!!!!

القنبله اللى دومينادور بتساعدكم فيه

طبعا منستوش اللى احنا عملناه فيكم ونفسكم يجى اليوم اللى تردوا الضربه لينا

بس ده بعدكم انه يحصل

حتى لو كلامك مظبوط واحنا عاوزين نعمل كده مش هنعرف احنا

بلد مش لاقيه تاكل

وهو ده بقى دور دومينادور

التمويل

وتعملوا القنبله وتردوا اللى حصل فيكم من 15 سنه وفى نفس الوقت

ديمنادور يخلصوا من اكبر عدو ليهم

ويبقوا ضربونا ضربه معلم

الكلام ده كله غلط

طب فين الصح يا تيسير

صدقنى مفيش اى حاجه عن القنبله اللى انت بتكلم عليها

انا فعلا عاوز اصدقك

بس اثبتلى عكس ده وقولى كنت مع نزار بتعمل ايه

بدات عيون تيسير باللمعان وبدات الدموع بالتساقط

مقدرش اقولك حاجه

دى رقبتى تطير فيها

بالعكس رقبتك كده كده طايره

واحنا بنديك الفرصه ونساعدك انك ترجعها على كتفك من تانى

زحف تيسير نحو قدم منير

وقام بتقبيلها

ارحمنى

ابوس رجلك ارحمنى

محدش هيرحمك طول ما انت مش عاوز ترحم نفسك

مقدرش اتكلم

مقدرش مقدرش

طب انا هفترض معاك يا تيسير ان كلامك مظبوط وانك فعلا

بتقول الحقيقه

وان كلامى كله غلط

ومفيش اى نيه عند ديمتيدوا انهم يعملوا قنبله نوويه

تقدر بقى تفسر لى

ان دومينادور تتدخل فى الموضوع وتستولى على مفاعلنا النووى

وتلوى دراعنا

وتساومنا بيه عليك

ده مفيش ليه غير معنى واحد بس

ان انت معاك حاجه مهمه اوى مش عاوزينها تقع فى ايدينا

والحاجه دى احنا هنعرفها هنعرفها

تغيرت ملامح وجه تيسير

اصبح اكثر ثقه

واختفت ملامح الرهبه والخوف بعد ما اصبح متاكدا ان دومينادور لن تتخلى عنه

مقر رئاسه ديمتيدوا

ايه الاخبار ياريس؟

يقولها انور تمام مستشار رئيس دوله ديمتيدو وهو جالس مع الرئيس على ياسين

الذى اصبح اشبه بالرجل المسن

فهو بالعقد السابع من العمر ذو وجه صغير واذن كبيره ومنتشره على وجهه التجاعيد

وقد اخذ الزمن من شعر راسه الكبيروما تبقى منه قد تزين باللون الابيض ذاك الرجل الذي أخذت ويلات الحرب منه ماأخذت من تأنيب للضمير بسبب ضعفه وأستكانته وصمته علي نهب ثروات بلاده والثمن هو أن يكون رئيس دولة

ضعيفة ومهيمن عليها من ذلك ومن ذاك هو يملك العلم والحق ولكن للحق لابد من قوة تحميه أنا للقوة اذا وجدت لها القدرة علي أن تمحية نعم تمحي العلم وكل شئ خاصة وإن وجدت بأيدي غاشمة.

دومينادور سيطرت على مفاعل بريدادور

يقولها بحزن وغضب مكتوم

طب ما ده خبر كويس جدا

ليه بقى مش فرحان!!!!!!!

مش مستريح يا تمام وقلقان ومش عارف كل ده هينتهى على ايه

نعم حينما يكون الصراع بين قوتين متوازنتين تكون الافاق

متسعة النقاش لأن لكل منهما غاية هو يدركها والقوى هنا فقط

لفرض الرأي ...فحينما أراد أحد الرجال مبارزة عنترة ابن شداد

قال لة أني أهزم أي أحد بصبري قال كيف،فقام كل منهما بوضع

إصبعه أسفل فكه وقام كل منهما بالضغط بأسنانه علي إصبعه و

الخاسر من يصرخ أولا،فصرخ الرجل فقال لة عنترة لو صبرت

لبرهة لصرخت أنا

أما إختلال القوي هذا يكون هناك هازم

ومنهزم ومنتفع.

ما احنا ياريس مفيش فى ايدينا اى حاجه نعملها

ما هى دى مصيبتنا يا تمام

ان طول عمرنا مفيش اى حاجه فى ايدينا وعاملين بس كده زى

الدمى المتحركه

يحركونا ويلعبوا بينا بس بشرط يكون المكسب ليهم هما وبس

عشان كده هما بيكبروا

واحنا ياريتنا فضلنا واقفين مكاننا

على اد ما هما ما بيطلعوا خطوه لقدام على اد ما احنا بنرجع عشره لورا

لا ياريس انا مختلف معاك

شوف احنا كنا فين من 15 سنه ودلوقتى بقينا فين

احنا بنكبر وهنفضل نكبر

احنا فعلا عندنا كل الامكانيات اللى تخلينا كبار

بس غيرنا دايما بيكون هو المستفيد وده السبب الرئيسى اللى مخلى

دومينادور واقفه معانا

عشان احنا كنز بالنسبه ليهم

يعنى فى الاخر كل ده لمصلحتها وعمره ما هيكون حب او خوف علينا

يحاول الرئيس على ياسين القيام

متكا على عكازه ذاهبا الى النافذه المطله على حديقه القصر

وبدا باستنشاق الهواء النقى