Marcus Aurelius w setté Evelyne

(m2ati3 mtarjamé mnl Frenséwé lal Lebnéné mn ktébé Le Flambeur)dailystoic.com

… Wselna 3a beit Bernard Traboulsi. B chéri3 Abdelwahab sékin. Hayda l chéri3 kello bsaynét w milves ma bi 3abbro 7ada w ma7allét bi bi3o bonbonnières. Fata7ettelna l Philippiniyyé… Sar Antonio ‘7amra’ yet7arkach fia… Bi 7ebb l Philippiniyét l ‘7amra’…. 2al la2ennoun 2sar w ndaf. “Lek chou mhafehfé” 2allé. Jarrab yekhod ra2ma bass harabit 3al matbakh.

… Fetna 3al salon… Kén Bernard Traboulsi la7alo. Naterna. Lébis peignoir zahré. Mbyannin 2ejré l bid. w féti7 3a bezzo l mchatchat. Ri7et l salon kénit dawa cholestérole. Fi nayké b hol khetyariyé yallé ma 3acho 2anou3in... Ma bye2ten3o 2enno l 7ayét btekhlas. Bye23ad b wejj l diouf mfarja baydato ta yembesit… w bi rabbi7 jmilé 2enno ba3do 3ayish… w 3adatan bi dall yjib chramit la 2ékher nafas b 3ichto.

… Setté Evelyne ma 3azzabetné wala di2a abl ma tmout… Aletlé 7ello 3an rabbé ma baddé 7ada ye3tal hammé… Kénit t3ayyetlé bas ta jebla mayy w e2rila l 2enjil. 2rit Matta khamsin marra b jeme3tein. Deyman affé l saf7a yallé bi 2oul fia l massi7 enno 2eza 3melet kheir, 2idak l chmél ma lézim ta3rif chou 3emlet 2idak l yamine… khaza2ta marra lal saf7a wa2ta kenna ana w ‘7amra’ w Labib L ‘D3if’ 3endé bl ouda 3am n7achich. Battal ma3na wra2. Fata7et l 2enjil. Sallabet 2idé 3a wejjé w chelet war2a… Law 2rita abel ma ekhze2a kenet akid khallayta … La2enna bte7ké 3an yallé bi 2ellak enno khod ya air choufné ana fehmén w 3ammil kheir. Setté t7ess 2enno 2affeit saf7a.. Ma t2oul chi w teghfa… Bass teghfa kénit tejé Patricia la3endé w ne7dar film l porno houwwé zéto… “Cowboys in New York” .. .sourto mretté… ma bi bayyin chi.. bas byensama3 aswat… w ba3ed fatra métit setté 3a rawa2 b zewyé zghiré.. kén barra fi talej nézil w asswat wéwiyé … fawattela kebbeyit l mayy l2ita mebtesmé bass ma 3am tredd.. w hiyyé kenit… raw7a khafifé w 2anou3a… Law kénit 3a iyyém Marcus Aurelius w t3arrraf 3layya bl ghalat akid ma kénit Roma natarit Constantine la senet 313…

… Ne7na w féytin 3al salon ta nsallim l chanta la Bernard Traboulsi sme3na sot mara 3am tebké bi téné 2ouda.

-Mimi ze3lené ktir 3a Socrates. Lamaytello dmégho b 2idé. 7attaytoun b kis. Daffané mbéri7 le pauvre…

-Min Socrates? Sa2alo Antonio ‘7amra’.

-L Kaleb. Kalba la Mimi. Da3aso hayda Louis. Ce fils de pute. Bi jebelna gaz. Reji3 3lé bl pick-up bl ghalat.

-Alla yer7amo.

-Min l chabb? Sa2alo Monsieur Traboulsi la ‘7amra’.

-Mballach ma3na mn fatra…

-Chou Esmak?

-Mn 3ayyetlo l Nemess.

Dalleit sékit. Ma kenet ba3rif enno bi 3ayytoulé l Nemess. Fakkaret ‘7amra’ 3am yekhteri3. Btasamtello la Traboulsi. Antonio ‘7amra’ kén mfahhamné ma efta7 temmé awwal kamm marra 2eddém l zbounét. Lézim dall jaddé. “Khallik sékit kam awwal marra .. ma tethadman…” Kellchi gheir bonjour w merci awwal kamm marra bi koun ta22 7anak. Bi fahhmouk yéha mn awwal nhar... Haydé kénit 2awwal chanta mn wassella mn wa2ta ma ballachet ma3 “La compagnie du Levant”.

L cheghel hayyin.. Bass chaghelté wassil chanat w snédi2.. Btousal békhrit “Nihil Perditi” 3al port. Btech7an mn Terkiya w Marseille 3a Bayrout. Mn Terkia betjib ghessélét automatique.. Byekhrabo maximum ba3ed sené. Mn marseille betjib kll chi mn 3ada ghessélét. Awwal nhar nzelet ma3 Toni 3asfoura ta et3allam. Btousallna l bda3a 3al port. Badna bein yawmein tleté ta nefreza.. Mnerja3 mn wassela lal zbounét. Fi bda3a betrou7 deghré b snédi2 kartoun. Fi bda3a betrou7 b chanat msakkra. L chanat l msakkara bi debba Toni 3asfoura. L Moudir. W bas Antonio 7amra aw Chafi2 Haykal byestelmoua. Henné bi wassloua 3end l zbounét. Ma bya3erfo chou fi b 2alba. ‘7amra’ mestelim Bayrout wl Jnoub. Haykal L Jabal wl chmél. Ana jébouné ta ghatté ma7al Haykal. Houwwé byestelim l Bekaa.

Awwal chahrein re7et ma3oun ta et3allam. Kenet chouf 3asfoura 3am ysallemoun l chanat. L se3a 8h30 l sobo7 l chanat betkoun jehzé. Mch deyman kenna nwassil chanat. Yemkin marrtein bl jem3a. Taléta w khamiss… Kén yfout 3asfoura 3a ouda zghiré… Yetla3 ba3ed khams d2ayi2 ma3 chanta msakkara… Mamnou3 a3rif chou fi bl chanta… Mch darouré es2al… Law masmou7 a3rif ma kén afala l 3asfoura w 7attalla code.

Kén fi chi mbayyan mch mazbout. Wl nayké enno 3asfoura mn barra chaklo 2edamé w darwich. Ana kenet 7ebbo hal zalamé… Ma bi khallé 7ada ychekk b cheghlo… bass add ma ykoun 2edamé, hal chanat kéno gharibiin… Kén ye7ké 3a sót waté. Bi sallim 3al wa7ad w byettala3 b 3youno… Aw2at bya3mellé ma3o sandwichét labné ma3 khyar jéyboun ma3o mnl jabal.. 7atta bye3tiné ma3a Bonjusé... Bye7ké ma3é ka 2enné 2ebno. Ana 2oul mousta7il l 3asfoura ykoun wesikh. Marra ne7na w 3am nnazil l bda3a mnl container sa2alto sou2al. Eltello yeb3atné 3al békhra w rou7 3a Athina 3ich honik. Fassartelo 2enno m2ayyra ma3é hone. Deghré jéwabné “Eza hon mch merté7, ma fi ma7all ra7 terté7 fi”. Ba3dén 2allé chi jemlé mn Socrates. Ma fhemet menna chi… Chi du genre enno eza mséfar w 2ékhid ma3ak 7alak l mretté noway t7ess 7alak azbat … wein ma kent tkoun ra7 tdall mab3ouss. Bass law Socrates ma zéda ktir ma kéno charrabou l sammét… B wa2ta ma ana3né 3asfoura … bass kén 2arib lal 2aleb l zalamé… Bass l chanat 2ossota weskha..

Msh ma32oul kl l zbounét ykoun 3endoun nafs l code… fi ktir zbounét.. mch kelloun bya3refoun Toni 3asfoura ta yeb3atloun l code 3al téléphone… 7atta law ma fia chi bl chanat metel ma 2allé l 3asfoura.. 2al y2ellé 2eta3 assariyé w medré chou … marra kén jeyé l sebe7 te3bén w 3er2an… metel ka2enno 3elé daghto… houwwé asslan medré kamm marad kén ma3o l m3attar… yemkin khel2a.. rasso kén mawsoul b jesmo mn doun ra2bé… 2am heik bi kebbelé jemlé 2enno khalas khatiar w mba3rif chou… “7atta térikh liom 3am 2enssi…” Reji3 fata7 l 2ouda l zghiré w 2afal l béb wará ta ydebb l chanat w ysakkera…

…Tené touwsilé kénit 3a day3et Kahf L Ballout. 3end Théodore Jreij… Tle3na ana w Haykal. Manno metel ‘7amra’. Lséno Tawil… “Alla wakilak 2eza mnenkamach mnenkabb 10 snin bl 7abess… bi a33douk ma3 arba3 souriyyin b 2ouda” 2eltello 2enno mafroud ma fia chi l chanat… bass 2eta3 2assariyé… sar yetmaskhar 3layyé. Nezel 3al dekkené yjib dekhan … mseket l chanta w seret el3ab bl ar2ám… abel ma ghayyir fioun katabet l ra2em l kén mawjoud ta reddo metel ma kén … ta ma 7ada y7ess.. jarrabet térikh liom.. bas 7assét 7alé ghabé… mch ma32oul ykoun hal add chi hayyin… tzakkaret 2enno l 3asfoura ma tzakkar l térikh nhareta.. w sa2alné 3anno… seret fakkir b chi mazij ar2am khassa b térikh liom… kén 4 techrin l awwal.. jarrabet 0410 ma zabatit.. 2alabta la 1004 kamén ma zabatit… rje3et reddayta ma7alla bass chefet Chafi2 jéyé…

(…m2affa kamm saf7a….)

… Awwal tal3a lawa7dé kénit 3a Farsoun…ta7et jabal Sannine.. Hayda ba3ed chi chahrein… saffeit b tari2 bsétiin abel ma 2ousal 3al day3a b shway… mseket l chanta w seret ba3bess bl ar2am.. metel ma kenet 3amil 7sebeté …2eza ma mnwassil gher taléta w khamiss bi koun fi sabab… kén nhareta khamiss tes3a kénoun l awwal… jarrabet sett3ach kénoun l awwal 1612 w 1216… ya3né ba3ed jem3a mn nhareta … ma kénit tefta7 l chanta… jarrabet abl b jem3a … 0212 w 1202 .. ma fi chi … jarrabt kl l ar2am l fioun 1 w 6 w 2 .. rje3et fakkaret 2enno akid msa3binna aktar mn heik ... ttalla3et bl sé3a .. kenet m2akharr chi se3a 3al zboun.. seret e3ra2 w etlabbak… jarrabet nhar li abl b jem3a w nhar… ya3né wa7ad Kénoun .. 0112 .. 7assayta ra7 tezbat bas ma kénit tefta7 l kallbé… bl 2ékhir 2arraret 2emché … 7attét 1201 2ékher chi… besma3a ta22it… w fata7it … bass l mechklé tel3it fadyé..