إلى علاء سيف....

نضارته في ايده وايده التانية على خده
لا ظلم الزمان خضه ولا هده
وشايل روحه على كفه
 كبير والعسكر اقزام الزمان مش قده
*****
علاء فعلا ومن اسمه له نصيب
وسيف حق في وجه الظالم لا يخيب
 ميعرفشي غير الحرية
 ابو خالد .. خالد الذكر... بيه جرح الوطن حيطيب
*****
محدش يفتكر الفتى محبوس
اللي حابسه هو اللي ورا القضبان
 كلمة الحق على الظالم تدوس
 تنبت العنقاء تسكت الغربان
*****
ركب العسكر بتخبط وقلبهم مقبوض
 قابضين على علاء والوطن مقصود
عايزين يسجنوا في الظلام وطني
 والتاريخ بيقول ان النهار حيعود
*****
مش راح تعيد في البيت يادكر
ومين قال العيد حيزور مصر السنادي
الفرح لو يوم مصر افتكر
 علشان اللي زيك بس .. يعود تاني