عالم الحيوان

المجلس الأعمى... مصنوع من العسكر وبينهم متقسم
واحنا على بابا، وهما بقى عصابة... افتح يا سمسم

اللي خلق عتمان،خالقه أكيد حكمة،
زي ماخلق الجان، يخلق هذا الرمة،
كداب بنص لسان، ومعندهوش ذمة

أما بقى ابو صباع الفنجري افندي
الي ضميره ضاع وصار ضمير جندي
يحرق ويقتل ناس، وخلقه خلق ضباع
يزعقلنا باقناع ، ويقول خلاص عندي

والمعجزة النابغة، ممدوح كمان وشاهين
شعره بدون صبغة، دارس قوي القوانين
مكشوف عنه السر، فاهم قوي في الشر
وحاجب المحكمة سابقه في المفاهيم

ومن عجيب خلقه، عادل كده عمارة
من الغباء صانعه، نيكوتين في قلب سيجارة
ضار قوي بالصحة، بيزيد قوي م الكحة
اصل الغباء بيضر والدنيا دوارة

نيجي بقى لعنان، الراجل المعتبر
يبدو لبني الانسان، الريس المنتظر
لكنه في سر الصنعة
يادوب صبي خيبان ، للريس المنتصر

طنطاوي عم الرجال، المشير ابو بدلة مدنية
ساعات يلبس عقال، وأوقات برنيطة غربية
يبان على أصله، ويهز في ديله كده بسوء نية
للريس المخلوع ،  وجايز قوي في السر ، يضربله في تحية

المجلس الأعمى في عجيب خلقه، اتأملوا فيه وسبحوا بحمده
واطلبوا يمسكوا الله يرحمه سلطان
لانه يشبه كتير عالم الحيوان