منمنمات عاشق
انا في البعد متيتمومين في الشوق بيتحكم
كأن الدنيا من غيرك .... صلاة ...ولابد في غياب الوضوء أتيمم
*****
عايز تعرف ان كانت هي حبيبتك ولا لا
اسال قلبك وان جاوبك : هي ....يبقى مش على حق
ان سابك ومردش، وقعد يرقص ونزل دق
تبقى حبيبتك وانت لقيتها وعمرك رق
*****
خبطت على باب السما قاصد
قالولي ارتجع يا مجنون
لساك بالحياة مسكون
ضحكت
شاف في علم الفلك راصد
شهاب بالهوى مسكون
*****
ومش فارقة معايا غير
أكون طارح سنابل خير
ولو خلعوا جذوري في يوم
يكون شكلي في هيئة طير
بيعشق سنبلك الأخضر
ويتحول عشانه بير
بيرويه من مداد قلبه
ينبت قمح من خيرك
وأبقى أمير
كما الحواديت ... عشان يوصلك
لابد 1000 من الليالي يسير
No comments have been added yet.
