لو تبقى الدعوة !

لو تبقى الدعوة من قلبك

في لحظة صدق مع ربّك

تبكي وإنت بين إيديه

وتقولّه يا رب محتاجلك



وتنزل من عينيك دموع

وتتوسِّل بكل خشوع

وتدعي باللي نفسك فيه

ونداك لله أكيد مسموع



أنا عن نفسي بدعي

فــ سرّي وفــ علني

حتى بهمسي وبدمعي

وفي الحالتين سامعني



ولما الجرح يوجعني

وأحس الفرح ودّعني

من غيره بيلطُف بيّا

وبلمحة عين يطلّعني



وحتى فــ خجلي من ذنبي

بينصفني ويقف جنبي

وده كله من كرم ربّي

إكمنّي دعيته من قلبي

إكمنّي دعيته من قلبي .


.

.



لو تبقى الدعوة

لــ نورا خشبة